اقرب ياعمر واستلمــ ..

مساء الخير للجميع ..

مرحبا باللي على شوفتهم نسوق البشاير=من هجوس الشاعر اللي لابغا الجمه وردها
فالسنين التاليه مكثرعيال ام الكباير = كلما ترضع ولد يطلع ولد ماهو ولدها

مسا النور

البقاء ياللي ترحب من هواجيس الظماير = وبعد ترحيب الوفاء يالقرم قدم مابعدها
أكثرو والله يكافينا الكباير والصغاير = مير انا خايف ياولد الناس لا ترضع نهده ا

الله الله واستلم استلم

ياعديمين البصر مدري عديمين البصاير= احد يمسك راسها واحدن يهابد عند يدهاا
ماجداها الا تكض الحزن وتهل العباير= عينها من حزنها ياصاحبي جاها رمدها

ياوجيه الخير أبن سعدي مع الخليان فاير = مزنته ماسيلة لكن مزعجنا رعدها
السبايب يوم من عندك تقفتها الخساير = دارة الايام مابين شقاها من سعدها

مثلهم مثل الذي ينقل حزام بلاذخاير =وده انه يقتصد ولايعرف اللي قصدها
كيف اجيب بضاعتي واحطها في سوق باير=ياوجيهن غير وجه الله اموت ولااعبدها

الله الله
تو ضاعت من يدينك منت داري ويش صاير = لا تجمعلك علوماً مايثبتها سندها
أجل صر بضاعتك وأنته خبيرا ً فالصراير = لا تدور واسظه فتراب نجد ولا حددها

انت مااقول انك من اهل النقانق والفطاير = بس اقول انكـ من عيال العصيده وتعصدها
من يبيع المسك والريحان ماباع الزقاير=وانت لاتنقز عدد ياهيه وتضيع عددها