وين أنت رايح تونا ما جلسنا

وين أنت رايح تونا ما جلسنا =ممداني اسمع من كلا مك تفاصيل

توك قعدت و تونا ماجمعنا =حلو الكلام لرمش عينك مواويل

اقعد و خل معذب القلب يهنا =ماهيب عاده صاحبي منته بخيل

سولف علي قبل العرب تفتقدنا=وتضطر ترحل قبل لا يقبل الليل

الحب خلا لأسود الليل معنى=صارت توصف به وساع مظاليل

الوقت مستكثر نكون لبعضنا=بس العوض لاقلت لي بالمقابيل

وكان ألليال السود عنك أبعدتنا=بشتاق لك لو ما بقى بالجسد حيل

بحبك أكبر من مساحه وطنا=وكثر الوفى فينا وكثر المعا ميل

من سالفة حبك بدينا عد د نا=واللي قبل محسوب ضحك وتعاليل

من وين ما نلقاك نلقى سعدنا=مثل المطر لاستبشرت به محاصيل

قلت الدروب وقال ما جمعتنا=وقلت العيون وقال هم المناديل

وقلت السنين وقال ما فرقتنا=دام القلوب أحباب مابيننا ميل

الحب ربيناه كنه ولد نا=حتى غدا رجال بين الريا جيل

هي ربته مثل الزهر واحتضنا=وأنا نصحته بالرضا مثل ما قيل

وكانت تقول أن عوض الله تعبنا=وأنا أقول الخوف والله من الميل

يا صاحبي والحب ماهو بيدنا=كذا يجي صدفه ولا فيه تأجيل

أن رحت ولا جيت ياكل جسدنا=كنه إذا وصفت نور القناديل

النار تحرقها وهي مسهرتنا=حتى يطفيها من الصبح تهليل

يا للي عيونك سلهمت وكتبتنا=في دفتر الأيام حبر المراسيل

ان رحت امانه لاتناسى وعدنا=دام الوعد لاقلت لي بالمقابيل

((للشاعرنايف بن تركي ))
تقبلوا تحياتي

الوقت مستكثر نكون لبعضنا=بس العوض لاقلت لي بالمقابيل

وكان ألليال السود عنك أبعدتنا=بشتاق لك لو ما بقى بالجسد حيل




مبدع ياراكان الله يعطيك العافيه على النقل الراقي


فجر

تسلم اخي راكان على القصيده الرائعه

وصح الله لسان الشاعر

مشكور أخوي راكان و صح لسان الشاعر

صــــــــــــــــــــح لــــــســــــــــــانــــــك
وعساك عالقوة مبدع وتستاهل كل خير
تقبل مرور اخوك / جندي بلا وطن

مشكورين الجميع على المرور و الردود
فجر
العزيزي المغترب
ابو فالح
جندي بلا وطن

تقبلوا تحياتي
راكان العزيزي