يفز قلبي لا طروا طـاري مطيـر

يفز قلبي لا طروا طـاري مطيـر

وتفز روحي في شمـوخ ومهابـه

واحس بالتفكير مثـل المعاصيـر

و اطلق اعناني في حدود الكتابه

الموقع اللي دوم فارق عن الغيـر

الفرق واضـح و المواقـع تشابـه

فيه اجتمعنـا بالوجيـه المسافيـر

نسـل الاسـود مهيبيـن الذيابـه

دايم جديد ودايم (ن) فيه تغيير

ودايم مواضيعـه تثيـر الغرابـه

يذكر فعايلنـا ويعطيـك تقريـر

حيث ان سيف العز نقضب انصابه

يوم ان فالميدان صيـاح ومغيـر

نارد على الموت الحمر ما نهابـه

نارد حياضه بالسيوف الشواطيـر

يقدح شراره مثل بـرق السحابـه

والشلف معهن والجنايـز مزابيـر

يوم الفشق للرجـل منـوة زهابـه

حنا هل الفزعات بالشـر و الخيـر

وحنا هل الطـولات يـوم الحرابـه

وحنا الذي ندخل على عق وانجير

يوم ان ولد الـلاش ينصـك بابـه

وحنا مطلقـت البنـي الغناديـر

وحنا لنا تاريخ كـل (ن) حكابـه

وحنـا لياجينـا نهـز الطوابـيـر

كم شيخ قوم معكرين (ن) شرابه

وحنا مبهـرت الفناجيـل تبهيـر

اهل الكرم واهل الوفا و الحبابـه

يا اللي تبي لمطير معنى وتفسيـر

فالمنتدى موجـود أفضـل إجابـه

منقوله

ومدري لمن