قصيده غزليه لشا عر فايز بن سعود

انا ما يوسع خاطري مثل شوف الزين =وشوف العيون اللي بلا كحل مكحوله
وسيع النواظر لشبحلي بطرف العين=غدت باقي الخلان للقلب مجهوله
وياقلبي لونك قاسين في يديه تلين =وتفتح له ابواب عن الغير مقفوله
كلامه ينسيني ظروف الزمان الشين =لونه اعتابن منه للكبد معسوله
مايبرى بلاي وتنجلي ضيقتي يالين=اعانق نحرها واشبره عرضه وطوله
ليا غاب عني كن مالي نظر بالعين=وزول العرب مايكفي العين عن زوله
ليا جيت اجامل واتبع العالم السالين =ماتجمع قلوبن ساليه عند مشغوله
ولجيت ابنسى واهتدي واعتنز بالدين=تصير الدروب العوج بالدين محلوله
ولجيت اصبر وين صبري ياخلي وين =غدت ضيقتي تاخذ لها بالحشا جوله
وانا ماني معيي وهم ماهم معيين=لكن القدم عن جيت الدار محبوله
واناكيف اواصلها وهي دون حدين =ورى دولتن من دونها للبلد دوله
احبه واعرف ان الليالي لها تقنين=تفرق قلوبن بالمواصيل ماموله
وهذي سبايب ضيقتي يافهد يومين =ابعقل علومن ماهي اليوم معقوله
والا يالله انك يامعين العباد تعين=وتجعل نهايتنا من الذنب مغسوله

الشاعر فايز بن سعود الحسيلي

اخوي

ابو سعود
صح الله لسانك وسلمت أناملك

أسجل إعجابي بك وبتواجدك الطيب فأنت من مرتادي هذا الصرح ومن المتواصلين معنا فيه

وكلنا شرف ان يتواصل معنا من هو مثلك
ونتتطلع بين حين واخر إلى جديدك الطيب
ونعدك ونعد جميع من شارك معنا في كتاب

مسابقة شاعر بني عزيز
بانه غير الكتاب وغير شريط الشيلات

سيكون لهم مفاجئات طيبه ان شاء الله

نسال الله ان يجملنا الحال معكم ونكون ان شاء الله عند حسن ظنهم بنا وأفضل بكثير

صح لسانك

وبارك الله فيك

واشكرك على الابداع

صح لسانك

وبارك الله فيك

قصيده فيها من الابداع الكثير