أجمل قصيدة لخلف بن هذال

يا لله بمانـك مـن النكبـات تامنـا
والـدار بحمـاك تمنهـا وتامنـهـا
لأوامـر القائـد الا علـى تمثلـنـا
أرواحنـا فـي سبيـل الله نعربنهـا
بقيادة الفهـد شلنـا الصـوت وأذنـا
علـى المنابـر تلـج ابنـا مآذنهـا
وإن كان صاح الفهد صاحت قبايلنـا
بالصيحة اللي جميع الكـون يذعنهـا
صيحة ندى والفـدا فـن ولنـا فنـا
فينـا فنـون المعـارك ونتفننـهـا
وإليـا نخانـا ولـي العهـد ثمـنـا
النخوة اللـي علـى الوقفـة نثمنهـا
حوله ومن حول مـن حولـه تكونـا
جزمـه ولزمـه وضربـات نعينهـا
وإلى اعتزى النائب الثانـي تزهلنـا
لمصامخ المعتدين وقصـف أماكنهـا
والمملكة فـي حمانـا حيـث ماكنـا
بالـدم نسقـي ثراهـا وانتحضنهـا
فرض علينا وعهد قـد مضـى منـا
إنرد بالنـار هجمـات العـدا عنهـا
صنا المشاعر عن أشرار العدا صنـا
عنها الشوارب إلى فتلـت نحسنهـا
مكة وطيبة لنا والنا وغضـب النـا
ترسانـة الديـن للعالـم نترسنـهـا
على الجزيرة بحزم وعـزم هيمنـا
تفخر بنا فايسـر العربـان وايمنهـا
بالعدل والعـرف والحكمـة تسلطنـا
نترك كثير الامور ونأخـذ احسنهـا
لاهانـت بـلاد اخونـوره ولا هنـا
الجوخه اللـي لبسنـا مـن بطاينهـا
دار ربتـنـا وضمتـنـا وفضلـنـا
المـوت فيهـا ولا نجـس يدرنهـا
دار علـى خدهـا الطاهـر تمكنـا
فيها ومـن فوقهـا نحفـظ توازنهـا
يا دار طير السعد والعز لـك غنـى
حلـو الأناشيـد بأصوتـه يلحنـهـا
يا دار ما تقتحمـك الأنـس والجنـا
دونك عيال تفـادي عـن مواطنهـا
ذباحة الحيل وأهـل الهيـل والبنـا
نطاحـة القـوم حمايـة ظعاينـهـا
في سوق جاتك ماهوب بسوق هونـا
تحمى علمها وإلـى ماتـت يكفنهـا
إن دندنـت طبلـة الحـراب دندنـا
بآيات حـق علـى وبـلال دندنهـا
كم من حريب تـورط فـي حبايلنـا
حبايل من اسلـوب الحـرب نتقنهـا
جاك . امتنكس ويخسر من يراهنـا
مثل الذبيحة بأسافلهـا نكـر عنهـا
واليادعا من يشيل الحمل لـه شلنـا
ارقابنا في حياض المـوت ترسنهـا
وحنا على جبهـة الغـازي تكامنـا
حاضر بحاضر عدانـا مـا نعاينهـا
وحنا ليا عدت فعـول العـرب حنـا
انسانـد العـرب وندعـم تضامنهـا
وحنا اليا انحلـت الآسـرة تعاونـا
وقمنا على جمعهـا حتـى نحصنهـا
وحنا ليا اشتـدت الأزمـة توصلنـا
على حلـول العقـود اللـي تهونهـا
وحنا ليـا جاتنـا الغلطـة تحملنـا
الاولـه نبـاع الغلـطـه ونعلنـهـا
وأن جاتنـا الثانيـة .. لا ماتماهنـا
بالسابقة نسحب الأخـرى ونقرنهـا
وراعـي الغلـط معقـول ومثـنـى
يلقـي الحقايـق وبعيونـه يعاينهـا
نسمـع بنبـح الكـلاب ولا تجنـنـا
الكلـب لـه حربـه بكـره نسننهـا
من دون صهيون .. بذتنـا صهاينـا
تكفـر بالإسـلام وتركـز كماينهـا
الله يا الأنـذال يقلـع رمسكـم عنـا
اطماعكـم عندنـا بانـت بواينـهـا
مع منكرين الصنيع أمسـت محاسنـا
سيات تحكي بـه العـدوان بألسنهـا
واليا تضايق غريـب الـدار يزينـا
تدمغ له الروس وأن طالت نطمنهـا
لوهي تليـن الجبـال الصـم مالنـا
على الحقوق ارتكينـا فـي ممكنهـا
يا شيخ جابـر لـك الله مـا تهاونـا
الفهد يأكـد لـك العـودة ويضمنهـا
ياشيخ والله زعلـك اليـوم مزعلنـا
والمهزلـة والمهونـة مانواطنـهـا
ابشر بنصـر يشيـد فـوق ويبنـي
بأيـدي رجـال محكحكـة معادنهـا
ترجع لدارك وهـذي مـن صمايلنـا
خطـوة وسطـوة وتاريـخ يدونهـا
ما دام معك الفهـد لا يلحقـك ظنـا
أبشايـة الله كويتـك لـزم تسكنهـا
والقصر دسمان تجلس بـه وتتهنـى
لابد مـن فرحـة تطفـي غباينهـا
صدام .. لا تحسب أن الحرب يجهلنا
حنا هل الحـرب والكلمـة نبرهنهـا
بالغش يال*** والخدعـة مباطنـا
تطوي سيورك على الفتنـة وتدهنهـا
بمعاملات اليهود .. اثـرك تعاملنـا
تطمع بجارتـك يالخايـن وتطعنهـا
سلب النسا وانتهاك العـرض غابنـا
اعمال سوء لـك الشيطـان زينهـا
مخـزي ومذنـب ولا تقـدر تقابلنـا
تجمع فرايسك يا لحصنـي وتدفنهـا
صبحت معروفنـا وامسيـت خاينـا
بغـداد تلعنـك يالفاجـر وتلعنـهـا
جاني وفي المجتمـع منبـوذ ومجنـا
شعبك بري منك والنخوة بري منهـا
كفك ملطـخ بـدم الشعـب ومحنـا
ما عاد تنظف يمينك لـو تصوبنهـا
حنا حمينـاك يـوم اعلنـت واعلنـا
بالحرب جتك أسلحتنا من مخازنهـا
بالمعركة لك ثمـان اسنيـن مشغلنـا
ولـك القوافـل مداومـة مكاينـهـا
هذا جزى مـا فعلنـا مـن جمايلنـا
تحشد علينا جنودك وانـت خاينهـا
لك يوم محتوم تصغـر بـه وتتمنـى
ما كنت فوق الوجـود ولـك نقننهـا
عليك باسم الله اكبـر مـن تضامنـا
بالأرض سبع الفواسق وانت ثامنهـا
ياشعب دجلة ترى موطنـك موطنـا
لا ترخص الروح للمجرم وترهنهـا
احسن تقولون : سل السيف واقتلنـا
في حكم مجنون لا يأمـر ولا ينهـى
الواجب انك على وصلـك تواصلنـا
ازحف على طغمة الطاغوت واطحنها
والياقمعتـوه لا عــرج ولا ثـنـى
نقص على ظاهـر الدنيـا وباطنهـا

هلا والله أختي الكريمة تــاج العـذارى

وصح لسان الشاعر خلف عسى الله يوفقه

وصح لسانك على النقلة الجميلة

وخلف بن هذال شاعر فوق العادة

بس قصيدة جزلة ورائعة

بيــّـض الله وجهكـ

سلمتي ولا هنتي

دائماً مميزة أختي

وننتظر جديدك دوماً

يعطيك العافية

مشكورة

كــُـوني بـخـيـــر أخـتـي


الــفـــــارس

تسلم ايدك علي طرحك الرائع
وصح لسانك ولسان الشاعر خلف بن هذال
ما دام معك الفهـد لا يلحقـك ظنـا
أبشايـة الله كويتـك لـزم تسكنهـا
والله يرحمها ويسكنهما فسيح جناته الملك فهد وجابر
اذكروهم وادعو لهم تسحب في موازين حساناتكم

تقبلو تحياتي

المشاركة الأصلية كتبت بواسطة الفارس

هلا والله أختي الكريمة تــاج العـذارى

وصح لسان الشاعر خلف عسى الله يوفقه

وصح لسانك على النقلة الجميلة

وخلف بن هذال شاعر فوق العادة

بس قصيدة جزلة ورائعة

بيــّـض الله وجهكـ

سلمتي ولا هنتي

دائماً مميزة أختي

وننتظر جديدك دوماً

يعطيك العافية

مشكورة

كــُـوني بـخـيـــر أخـتـي


الــفـــــارس

صح بدنك والشاعر خلف جميع قصائده جزله

سلمت على المرور

المشاركة الأصلية كتبت بواسطة بيرق مطير

تسلم ايدك علي طرحك الرائع
وصح لسانك ولسان الشاعر خلف بن هذال
ما دام معك الفهـد لا يلحقـك ظنـا
أبشايـة الله كويتـك لـزم تسكنهـا
والله يرحمها ويسكنهما فسيح جناته الملك فهد وجابر
اذكروهم وادعو لهم تسحب في موازين حساناتكم

تقبلو تحياتي

صح بدنك اخوي والله يرحم اموات المسلمين
وشاكره لك على المرور

مشكور
والله يعطيك العافيه

شكراااااااااااااااااااااااا