آآآآآه ياوطن ،،، تبون تعرفون وش قالي الوطن ؟؟ تفضل

}{}{ آآآآآه ياوطن ،،، تبون تعرفون وش قالي الوطن ؟؟ تفضل }{}{

--------------------------------------------------------------------------------

حبيب قلبي ياوطن تفضل وقلي وش اللي تحمل في عمقك ؟؟؟


حي الله ولدي المواطن ،، حي الله ولدي اللي آبى ألا أن يكون في جوفي في يوم قد كتبه الله عليه منذ ولادته ،،، حي الله ولدي المواطن الصابر والكادح .


ودك تعرف اللي بعمقي ؟؟؟ بعمقي الخير كله وخلني أقولها بأختصار : بجوفي خير يسمونه نفط ،، وبجوفي غاز وبجوفي مياه ماكدرها عقل فاسد ،، وبجوفي ذهب وكل المعادن اللي فيها الخير لك ولكل من ينتمي لهذا الوطن ،، بجوفي ياولدي كل مايشكل حياة كريمه لكل من ينتسب لي .


وإن سئلتني عن الأراضي ،، فالجبال بكل ماتحمل من خير بثابتها وبعمقها ،،، والمساحات الشاسعه ،، والزراعه وماتحمل من خضار أخضر لحياة كل منتسب لي أنا الوطن ،، على أرضي مصانع ومصافي وورش عمل ،، على أرضي كل الخير ،،، شف حجمي وتعرف أني أنا الآراضي الشاسعه واللي أراد الله أن أكون شبه جزيره داس على ترابها أشرف الخلق .



أما اللي حولي فبحور وبحور بها الخير كله من أسماك ومرجان وغيره .


أنا الثروات كلها ياولدي ،، أنا النخل اللي حوله النفط والبتروكيميائيات والغاز ،، وأنا حقول البرسيم اللي بوسط الصحاري ،، أنا أغنى أرض في الدنيا ،، وأنتم أغنى عيال لي بالدنيا .


عجيب كلامك ياوطن ،،، أنت تتكلم عن نفسك وعننا ولا عن مكان ثاني ؟؟



لا ياولدي أتكلم عن نفسي وعنكم ،، ليه أنت منت حاس بكل الخير اللي حولك .



تبيني أقولك الصدق ياوطن ؟؟ إن كنت تتكلم عن نفسك والخير اللي ببطنك فأنا مصدقك ميه بالميه ،، وأما عننا فأسمح لي ياوطن ،، في الأول كنت أعتقد أنك تتكلم عن وطن ثاني لأن اللي تتكلم عنه أشوفه حولي ولكن كنت أعتقد أنه لناس ثانيين ،،، ناس حطوه عندنا علشان نتفشخر ونقول أن عندنا كل هالخير ومحنا مثل كثير من الدول ماعندها ربع اللي عندنا وعايشين بخير .


تصدق ياوطن ،، كلامك يفر الراس ،،، خزاينك معبئه بكل الخير ،، وببطنك الخير وعلى ظهرك الخير وحولك الخير وربك فوق كل هذا حاميك بقدرته وحوله وقوته ،، والسؤال : أجل وين يروح كل هالخير ؟؟



وليه الناس طفرانه وعايشه على الديون ؟؟؟
وليه الناس زعلانه من اللي بيدهم مفاتيحك ؟؟
وليه نشوف آلام وبطاله وشحاذه وسرقات وفساد وأرامل تبكي ؟؟
وليه عيالك مايحسون أنهم عيالك ،، وليه مالهم كلمه ولاصوت مسموع ؟؟
وليه خيرك يشوفه القاصي قبل الداني ؟؟
وليه نشوف على ظهرك أوضاع ماتعجب الغريب من المخلصين والعقلاء قبل القريب ؟؟
وليه نور المخلصين ينطفي بسرعه ،،، وليه الأذناب واقفه مثل أبراج أتصالات اللي تنتظر الأشاره ؟؟
وليه مالي مساحة منك أبني فيها بيت يسترني ؟؟ ماهو أنت وطني ،،، صعبه أني أشتري قطعه منك وأنا منك وأنت مني ؟؟
ليه وليه وليه ،،، مليار ليه ؟؟



أقول يامواطن ،، لا تسألني أسألهم ؟؟


أسأل من ياوطن ؟؟؟؟؟؟؟؟
أقول يامواطن خلك من البربره ولا تودينا بداهيه ،،، صحيح ضحكتني يامواطن ،،، مصيبه أذا أنا أنسجن لأني سولفت مع مواطن بعمقي ،، مصيبه أذا يحطون حولي أسلاك شائكه لأني سولفت مع مواطن عن نفسه .


وش تتكلم عنه ياوطن ؟؟ تراني ماني عارف السالفه ممكن توضح علشان ماأعيش كل عمري مثل اللي ضايع بالطوشه .



أقولك يامواطن تبي رآيي وتسمع الكلام وتقول تم ؟؟


خلك من الكلام اللي لا يودي ولا يجيب واللي كاتبه ربك بيصير ،، والأبتلاء له أشكال وألوان واللي ماتعرفه أزين لك ماتعرفه وتركه أبرك وأسمع كلام أميمتك الحبيبه .


أجل أقعد بليا فهم ياوطن ،،، وأقعد أتحسر طول عمري ؟؟


وليه تتحسر يامواطن ،، وليه تنقهر ،،، ماراح تصلح الكون ،،، والأبرك لك أصلح أحوالك البسيطه قبل لا تنظر لأصلاح اللي ماهو بيدك أصلاحه وماله ألا ربك وربك له حكمه بكل أمر ويمكن خيره لك ولكل من على هذي الأرض ،،، أقعد وحاسب نفسك وحاول تتخلص من عيوبك وذنوبك يمكن برحمة ربك تعيش تدخل جنته وتعيش أكرم مليار مليار مره من العيشه اللي تطلبها بالدنيا .


صدقني يامواطن أن بديت بأصلاح نفسك واللي حولك وزدت من علمك ودورت الرزقه الحلال بعقل وفطنه وبحساب وأستغليت وقتك وفكرت بتطوير ذاتك وأصلاحها باللي أمرك الله به وأتبعت سنة نبيك صلى الله عليه وسلم وتطورت مع العالم في حدود دينك وكنت صادق مع نفسك ومع اللي حولك وتوكلت على اللي ماتنام عينه وأتقيت ربك بكل أحوالك ،، صدقني يامواطن راح تعين خير بإذن الله مهما كثروا الجرذان حولك .


أجل وشهي نصيحتك ياوطن لولدك المواطن ؟؟



أوصيك ياولدي بتقوى الله في السر والعلن
أوصيك ياولدي بالمداومة بقراءة القرآن وحفظه
أوصيك ياولدي بالتعلم من مدرسة أشرف الخلق محمد صلى الله عليه وسلم والتحلي بأخلاقه وهذا السلاح اللي من خلاله تواجه الدينماركيين والهولنديين وكل من أراد الشر .
أوصيك ياولدي ببر الوالدين أحياء وأموات
أوصيك ياولدي بأهل بيتك وأنك تراعي الله فيهم من زوجه وأولاد وأخت وأخو
أوصيك ياولدي بالزكاة والصدقة
أوصيك ياولدي بالأرامل واليتامى وزيارة المريض
أوصيك ياولدي بالضرير والمشلول والمتوحد وذوي الأحتياجات الخاصة
أوصيك ياولدي بالقراءة وأن تزيد أطلاعك وثقافتك
أوصيك ياولدي بالعلم أوله وأخره
أوصيك ياولدي بأدارة وقتك وحب الناس والرجوع للفطره السليمه
أوصيك ياولدي بعدم تقليد الغرب ولكن تتعلم من أين بدأوا وحاول تنافسهم في الأبداع والأبتكار فيما ينفعك وينفع المسلمين وبحدود ماأمر الله ورسوله صلى الله عليه وسلم
أوصيك بالكثير بمواكبة عصرك بلا خروج عن قال الله وقال رسوله الكريم
أوصيك بأن تحفظني بقلبك وعقلك وتدفع عني كل الشرور من أبناء بطني ومن خارج وطنك وأستعن بالله وشد الحزام وأخلص النيه .



حاضر ياوطن ،،،وتم بس ياريت تقول لأميمتي وقرة عيني وضياءها ولكل المخلصين اللي حولي أني ماتكلمت على أحد وماكنت ألا أسولف معك بس ومصيبه أذا أنحرم حتى بالسوالف معك راح تكون غصة بحلقي أموت فيها .


معلومه : أرتفع سعرطن حديد البناء منذ اليوم 805 ريال سعودي ومشكورين ياحبايب وراح نستمر في البناء وخلينا لكم الهدم.


سواليف انسان منكم
منقووووول

شكرااا

اخوي

ابو قراحه

الطائر الاخضر

شاكر مرورك