قصيدة التويجري في عبدالله بن ماجد الدويش

قصيده جديده ورائعه من روائع

الشاعر الكبير ياسر التويجري يهديها لصديقه الشيخ عبدالله بن ماجد الفيصل الدويش

سلام من مكه ومن جنب المقام= يحمل بطياته مشاعر وافره
الحب والتقدير وازكى الإحترام= للطيب اللي مايعيش منافره
محزمينه فوق جنحان الحمام= اللي تعرضنا عليه مسافره
للصاحب اللي رفقته راس وسنام= ماهيب رفقة شلة السنافره
عبدالله الماجد حفيد ابن الهمام= فيصل راع اليمنى الطويل الظافره
على الحصان اللي تهيد إله العظام= إليا امتطى سرجه وداس بحافره
مستذبحٍ يزرق مثل زرق السهام= ويبطش بكفٍ لستهاشت كافره
مني لبوتركي تحيات وسلام ،=من خافقٍ يرثع غلاك بقافره
ياشوق من تزهى العشارق واللثام= بنت الشرف ماهيب بنت السافره
ياصاحبي والضيق مثل ابن الحرام= يبرك على صدر الرجل ويدافره
ياكثر ماحاول ينام ولا ينام =وياكثر ماادمى لحيته باظافره
يوم احترفنا فالبلد صدق الكلام =علاقتنا معا مخافره
ماعاد نولي للشعر أي اهتمام =عقب حكمنا ملعبه بالصافره
حنا على الشعار مثل العم سام =على حكومات الشعوب الطافره
واسلم وسلم لي على الربع الحشام= قومن يوم إن الناس تشهق زافره
يالأجرد اللي ماطلعت من اللجام=تطلع خلاوي والشلايخ عافره

وسلامة الجميع