آخر قصيدة قالها الشاعر مرشد البذال وهو في المستشفى

أخر قصيدة قالها مرشد البذال

يحول أشول الحق جتني طروشه =جتني مطاليبه وانا عنه منحاش
اليوم كن بداخل الصدر هوشه = مثل اختراش الريم في داخل الجاش
يالله عسى عطفك ولطفك نحوشه =يالله بحسن الخاتمه عند الاقراش
دنياك لو تعطيك زين المعوشه =تالي سوالفها تعود على ماش
ياما خذينا بأول العمر شوشه =وياما مشينا في مظاهير وأدباش
في خايعٍ وبل الثريا رشوشه =نجن الزبيدي في صحاصيح ودشاش
وياما جلسنا مع مرودع نقوشه =في سهلةٍ ماحدرنا زل وفراش
في وسط روضٍ مخضراتٍ خفوشه =نبته جديد ومبعدينٍ عن الطاش
نبنوب لا خبله ولا أهي مخروشه =عنق الفريد ان ذيره زول حشاش
قامت تخاطبني بنفسٍ هشوشه =بس الكلام وعرضه أبيض من الشاش
بسرار في وسط القلوب مخشوشه =بين الثنين ولا درى عنهن الواش
ربعة وفا ولا السلب ماننوشه =ماني لوجه معذب الحب خماش
واليوم مالي مع هل الصيد نوشه =عطيتها غيري بلاسوم ببلاش
عند الطبيب وصار عندي وحوشه =ومن الإقامة صابني خوف وخراش
ذالحين شفني جالسٍ عقب دوشه =أصلب عضاي وكن بالجسم هشهاش
خليت ديواني ومجلاس حوشه =عقب المعزة ساكنٍ دار الإنعاش
والنفس ضاقت عقب ماهي بشوشه =مثل المقيم اللي على نو مطراش

اخوي العزيزي
بيض الله وجهك وسلمة يمينك على النقل الطيب

ودائما مميز ومبدع يالعزيزي

ورحم الله الشاعر البذال وادخله فسيح جناته

وأستأذنك في تنسيق القصيده وترتيبها

وياليت لو تزور رابط تنسيق القصيده في التوقيع اسفله
وتحياتي لك
واصل عزيزي

هلا والله أخوي وابن عمي ALAZIZI

صح لسانك ولسان الشاعر البذال الله يرحمه

موضوع جميل كما هو متوقع منك

بيــّـض الله وجهكـ

سلمت ولا هنت

دائماً مميز أخي

وننتظر تعليقاتك و جديدك دوماً

يعطيك العافية

مشكور

كــُن بـخـيـــر أخـي


الــفـــــارس

يسلمووووووو علي طرحك الرائع اخوي العزيزي
خليـت ديوانـي ومجـلاس حوشـهعقب المعـزة ساكـنٍ دار الإنعـاش

شكرن على هالمرور وتقبلو تحياتي

مشكور يا العزيزي
سلمت أيديك
والله يعطيك العافية

شكراااااااا أخوي