يقوله مجر ب وانت مثلك مجربها

ضوى الليل ياعين عليش السهر مكتوب = الى واشقى عين الشقي واعذايبها


الى واعذابي كل ماقرّب الغروب = تجدد سهر عيني وشبت شبايبـــــــــــــها


علي السهر كنه من اللي رقد مجلوب = سهير العيون وسبحتي بس الاعبها



تجدد عناي وصار كثر السهر مرغوب = حاربها المنام وزايد السهر صاحبها


وانا هم قلبي لو ينوش الحديد يذوب = ولو ناش ضلعان المدينه يذوبها


وانا كن قلبي من صميم الحشاء مجلوب = كما جذب دلو ٍ بين ورد ٍ تجاذبها


عسى مالحقني من زمان العذاب ذنوب = زمان عليّه جار وابدى غرايبها


زمان رمابي في حجى مظلم محجوب = رفيع الحجا ارحرمني مذعذع هبايبها

عسى ربي اللي رد يوسف علا يعقوب = يرد السهر عن نون عين معاقبها


ويروف بحياة مغربلٍ بالدهر منكوب = ومحكوم حكم ٍِِ جور والنفس متعبها

وبرسل لأبو نايف بعد ماحصل مندوب = بعد ماطبعت رسالتي في مكاتبها


وبنخاه بأعلا الصوت من خافق ٍ مرعوب = خفوق ٍ به الونات دايم يجاذبها


الى ياعريب الجد يامزبن المطلوب = ابي منك فزعه يامخلص طلايبها

ابي منك تنهي باقي المشكله بإسلوب = مشاكل سهر عيني ترى من سبايبها


ترى السد باح وصار خافي الحشا مصيوب = ولى عاد لي حيله ونشت مشاربها


ولا ني من يسند علا غير من ينوب = يقوله مجر ب وانت مثلك مجربها

ولا ني من يسند علا واحد هيوب = ولى تنفع الشكوى علا غير صاحبها

منقول

اخوي : المايسترو

صح لسان شاعرها

لك اخي كل الشكر والتقدير

على النقل

اتحفتنا بقصيدة المبدع

ننتظر مشاركتك

اخي المايسترو

راقت لي هذي الابيات

كل الشكر ميسو على النقل

صح لسان الشاعر

لك كل الشكر والتقدير

على النقل

صح لسان شاعرها وسلمت على النقل

اخواني اسعدني مروركم
وتقبلو تحيات المايسترو