يازين يوم أني أنا وانتي صغار

يازين يوم اني انا وانتي صغار
توما لبست شماغ وانتي عبايه

بالطول ماناصل ولا خمسة اشبار
دايم نقيس اطوالنا بالمرايه

مابيننا شين نخبيه واسرار
ماغير لعب اطفال كل الحكايه

ماهمنا موجز ولا نشرة اخبار
التسليه صارت وسيله وغايه

وان جاء فلم كرتون للقطو والفار
نجلس نتابع قصته للنهايه

بالمدرسه نزعل على شان الاصفار
انتي سبب لعبك وانا من غبايه

ياما تهاوشنا على كيس فيشار
انحاش به وافرح بطردك ورايه

وان قلتي ياراشد ياويلك من النار
اخاف واستسلم وابين خطايه

والى ضربتيني تقل بيننا ثار
وان قلت كافي قلتي ماهو كفايه

والى خلصتي ضرب بيمين ويسار
اخذتي الفيشار واللي معايه

والى زعلت وقلت ابا اروح للدار
صحتي وقلتي اسفه يا غلايه

واصدقك وافرح بعد ذيك الاعذار
واجيك لا حاقد والا احمل وشايه

بس لو اشوفك مع بشرغيري اغار
لو كان اخوي أو من أعز اصدقايه

واركض لخوك اقول شفها مع اكبار
عشان يفرض لي عليك الوصايه

هذي طفولتنا براءه وتذكار
دايم نحن اليا ذكرنا البدايه

واليوم ابا اكتبها سواليف واشعار
وافكر انتجها بفلم وروايه

اختيار جميل اخي الوتيش

سلمت اناملك على هذا الطرح العطر

هذي طفولتنا براءه وتذكار
دايم نحن اليا ذكرنا البدايه

مـــبدع في انتقائك اخي الوتيش

الوتيش

بكل صراحه اعجبني ذلك كثيرا علما انني لم اكن في هذا الموقف يوما ما ولكن شرح كافي سلمت على هذا

جنان القصيده ياالوتيش’’ وأحلى شي القطو والفار للحين أحبها
يعطيك العافيه نقلك حلو

كالعاده ما تجيب إلا الرهيب يا رهيب

بس ما هو الرهيب راشد حق الا تحاد

أخوي الوتيش أشكرك وبقوه على مثل هيك طرح

نقلك مميز و أنت دائم مميز= يسلم لنا فكرك وتسلم أنآملك

العزيزي المغترب
الوصي
المغيبي
عطر الياسمين
سمو القاف
والله دائم مبدعين بمروركـم الأجمل والأمثل والأكمل منوريين دايم

روووعه ذكرى جميله طفوله بريئه

كتبت فأبدعت

حلوووووووووووووووة



الله يعطيك العافية أخوي

وسلمت أناملك