أقرب ياسفير القوم .

مسا الخير للجميع

الليل ابنشدك ياحمدان جاتني علوم = والناس من شانها تومي مشاعيبها
ويش العذر قول يوم أنك تكب اللزوم = وخريص من ديرة القصمان يقريبها

حي الله عمر


واستلمـ

علوم الاجواد عندك ياقوي العزوم = عندك بها علم ومسوي ماتدريبها
انت اجودين من الزلات ماانت معصوم=وانا على واجبي والناس مالي بها

البقا ياأبو سعدي

وأستلم لاهنت

اتقول وقت الوعد متوعد(ن) فالرخوم = تكبر علومك ولا دري كيف تاتيبها
لكن له رقم وأنته منت ضمن الرقوم = مدري السبب منك وألا في معازيبها

الله الله

لو جيت حطيت لي بصمه وعزيت قوم= لكن الايام ماتصفي مشاريبها
مير البلا اللي غيابه ياعمر راح نوم=اعذار بعض العرب تنقص مواجيبها

ماأقول فيكم قصور ولا نلحقك لوم = لكن أبا أصحابنا تاصل مطاليبها
لاوالله الا يخيب الظن في كل يوم = يالين تال الزمن تطفي مشاهيبها

اللي مضى لاتحسف له وخل الهموم=ماهي بــ همُ اللحون اللي نغنيبها
ماهي على حال واحد والقسا مايدوم=لابد من ليلتن بيضاء ونسريبها

مابه حسايف لكن نبغا نطول النجوم = أخير من ديرت (ن) لك عاويا ً ذيبها

أختامها الناس ذا معطى وهاذا محروم = هذا نصيحه لجل لاجات تا تيبها

صح لسانك اخي عمر
وصح لسانك اخي سفير المهد

شاعرين كبيرين الله يعطيكم العافيه

صح الله لسانكم وعلا شانكم
شعار جزلين
الله يعطيكم العافيه

صح السانكما
وشعار كبار
جزلين
تقبلوا مروري