نصائح لحبيبي بالعامية بقلم فكري العزايزه

مابعرف ألوم نفسي ولا ألومك؟
البعد هدني ومابعرف ايش علومك
ان كان عليا انا مشتاق لعيونك
لوني انخطف..كيفك انتا وشلونك
أنا صبري خلص قلي كيف مخزونك
حبك هداني..قمرك ضاوي ومعاه نجومك
حب الوطن صحاني وياريت تصحى من نومك
السهر مابيقصر من العمر, ومابيزيد عمرك كثر نومك
الكل بيلعن في هالوقت وماحدا راضي بكونك
والشماعة حملها زاد,بقول الها كان الله في عونك
لوبدا كل واحد بنفسه لانصلح حالنا وارتاحت شجونك
الكل عامل فهمان..والحكي كتير.. والتنفيذ بيزيد همومك
أبو العريف دايما مصابحنا.. وكأنه بيعرف شو بيدور بمكنونك
دايما طالع صوتو ..ولما تحتاجه بخيب فيه ظنونك
سيبك من الهمال واتمسك بألاصايل بيموتو من دونك
وان جار عليك الزمان بيخدموك كرمال عيونك
العشرة ماتهون الا على خسيس وجبان بيغتابونك
وألاصيل دايما معاك بيخفف عنك همومك
لاتربي لنفسك عداوات..وخلي الكل يحبونك
ولسانك لا تطولوا على الناس تسبهم ويسبونك
وتجيب البهدلة لوالديك اللي كبروك وربونك
امشي عدل يحتار عدوك فيك.. والكل يحبونك
وسامح اللي اسائوا اليك.. تلاقي مين يسامحونك
وابعد عن الذنوب .. تعيش مرتاح وفي الاخرة ما يعذبونك
حب على قد ماتقدر .. بقلب صافي ماتلاقي مين يكرهونك