محاوره

هذي المحاورة جرت بين الشاعرين عايض ابن نور العزيزي المطيري والشاعر بدر ابن سويلم النفيعي العتيبي واليكم نص المحاروة

بدر
سلام رديه من الراس للراس
اعداد مالاحت بروق المخيله
الليل زان ولايجي عينك نعاس
وانته على ماقيل مافيك حيله

عايض
يامرحبا ترحيب مبني على ساس
من بعد ماقابل عميل(ن) عميله
الليل زان وساع دقن الاجراس
لكن شف لك حل بايت وســـيله

بدر
انته علامك صايرن فيك وسواس
هذا تبي تحطه وهذا تشـــــــــــيله
ماعاد فيك شعور ماعندك احساس
صــــــاير على ماقيل مثل الهبيله

عايض
ماني موسوس مير للهرج مقياس
يا الموتر اللي ماعرفنا موديـــــله
يا الاعب اللي راح يطرد ورا الكاس
لكن لبس له ثوب تحـــــــــت الفنيله

بدر
انته دخلت السوق وعلنت الافلاس
تبي التــــــــــجاره والعلوم الجميله
راحت حياتك تاكل الرز ابو كـــــاس
وتقول هذا الرز ما ابغا بديـــــــــله

عايض
انا دخلت السوق من جمله الناس
ادور الــــغالي وامثل قبــــــــــيله
ياصاحبن للــخير والشر مقــــباس
بنشدك عن دمك من ايت فصـــيله

بدر
انته ولد عمك خــليف ابن دواس
الدم واحد والفعايل قلــــــــــــيله
ماني بمن ناس يحقدون وانجاس
ترا العتيبي ما يخون بزمـــــيله

عايض
انا ولد عمي كـــــما الحر قرناس
ومن فعلنا كبدك عليها ملــــــيله
ياصحابنا العــــتبان لاباس لاباس
وسط الحرم بعض الفعايل فشيله

صح لسانك

ولسان العتيبي

صح لسانك ولسانه ومحاورة جميلة وممتعة

والله يعطيك العافية أبو نور والله يوفقك