قصيدة الجماعة >لافي الغيداني

السلام عليكم ورحمة الله وبركاته
هذة قصيدة للشاعر المتألق //لافي حمود الغيداني
الجماعة
يامكثرين الهرج لااسمـع ولااجيـب "

........................"تريحوا من فضلكـم واسمحـوا لـي

تريحـوا لاتلحـقـون المشاهـيـب "

......................."على الردى مانـي شفـوق عجولـي

بالعقل والصبر ادب النفـس تاديـب "

..................."والا لهـا مـده تصـول وتجـولـي

خلج ترازم فـي سيـاج المحاديـب

................"مافيهـن اللـي بالعقـال معقـولـي

اشد وطية زور مـن شمـخ النيـب "

.................."اليا ضاع مفعو ل الحيـل والحلولـي

انـا لاقلـت ارتـب القـول ترتيـب"

.................."حتى يجـي كـي علـى فـك قولـي

اليا ارسلت لافكار القريحـه مناديـب"

.................."ترايعن مـن عقـب ماهـن جفولـي

لكن مالـي مـن وراهـا مكاسيـب "

................."لو كان عشاق القشـر صفقـوا لـي

مامستفيـد الا العـدو والاجانـيـب "

.................."ولانـي مطيـع مقرقعيـن الطبولـي

خليتهـا تعطـي فجـوج مجـاديـب "

..................."جربا تجـود فـي رسنهـا مهبولـي

والله لااجنب دام لـي درب تجنيـب "

..................."من شرهة حشـام الرفاقـه خجولـي

لو انهـا بيـن النحـر والتلابيـب "

...................."من الحيا وجهـي مهـوب مغسولـي

طبـع لنـا نشـب عليـه ونشيـب "

...................."وطبيـعـةٍ لعـلـهـا مـاتـزولـي

على الجماعـه للجماعـه مواجيـب "

.................."الا جهلـوا قـدر الرفيـق الهتولـي

ماني على ربعي قريـب محاضيـب "

................."ادنـاة مايخلينـي اسـرج خيـولـي

ان جات من طيب شقاها على الطيب "

................."لو انها اعوج مـن رقبـة الذلولـي

وان جات من مسكين منطق واساليب "

.................."حطيتهـا بيـن الثـرى والنعـولـي

لاحركـت شعـره ولاطلعـت شيـب "

................."ولاضيقت صـدري ولاطـق جولـي

وان كان في صبري على ميلهم عيب"

................." العيب تفتيـش الصـرر والحثولـي

لاقمت تذكر فـي رفيقـك عذاريـب "

................."وتبيـن عيوبـه لذولـي وذولــي

صبرك على ربعك علاج وتطابيـب "

.................."يقصـر حبـال السالفـه لاتطـولـي

حتى مايلقا فـي طرفهـا مقاضيـب "

..................."كـراه خيـر وللمشـاكـل ميـولـي

واليا بليت بتايـه شـره وصعيـب "

................"يقول انا العـراف وانـت الجهولـي

قـل الله الله ياحصـان الاطالـيـب "

................"يالفاهـم العالـم عطيـب الفعـولـي

هذا الكلام اللي مافي صحتـه ريـب "

..............."لانيـب لاحولـك ولانتـاب حـولـي

حصان وبن حصان طيـب مجاذيـب "

.................."وبالمعرفـه رجـل محلـي ودولــي

خله يروح يخطي الـدرب ويصيـب "

................."يقـول مابالنـاس عرضـي وطولـي

والفرق ماهـو باللحـى والاشانيـب "

..................."الفرق بين النـاس فـرق العقولـي

كم واحد تحسن به الظـن ويخيـب "

.................."السـن يضحـك والفـواد معلـولـي

واللي غدت به كلمـة مالهـا غيـب "

.................."ماهو من اطيب ربعي اللي غود لـي

يالله عساها صيحة فـي قفـا ذيـب "

.................."وقلـع النيـا بينـي وبينـه يحولـي

الرجل مايغصب على الطيب تغصيب "

..............."اليا صار ماهـو دل ضمـن الدلولـي

ومن عادة اللي طيبه يحضر ويغيـب "

..............."لاطالـت الرفقـة زهـوق ملـولـي

واليا بلنـك غبـر الايـام بصحيـب "

..............."في مستوى طيبـه صعـود ونزولـي

اعرف ترى الدنيا دروس وتجاريـب "

................"والكامـل الله والنـقـا للرسـولـي

لاتصير مشـذاب يقـص العراقيـب "

................"خلـه وراع الاولــه وش يقـولـي

اخذت حكمه مـن كـلام اللواعيـب "

................"للطيـب نـاس وللعـذارى فحولـي

وعليكم السلام ورحمة الله وبركاته


كما عودنا الشاعرلافي الغيداني بالغوص في بحر الشعر ,وجلب كل ماهو ثمين منه ,هاهي احدى الدرر يتزين بها المنتدى 0


شكر اخي فيصل على المشاركة الجميلة , ووفقك الله 0

فيصل العزيزي
انت رجل الأخلاق والتميز
اعجبت والله بمواضيعك ونقلك الطيب
احسنت الأختيار لشاعر من بين الشعراء وللقصيده لشاعر من بين قصائده
كم والله عشقة هذه القصيده وكم فيها والله من الحكم
المميز لا يأتي إلا بالمميز فلافي الغيداني تميز رغم تميزه بهذه الكلمات الطيبه وفيصل العزيزي تميز بحب المميز ونقله لنا
بارك الله فيك وسلم بنانك
وصح لسان الشاعر لافي الغيدان
حاولت والله اقتبست بعض الأبيت ووجد كل بيت يقول انا الجزل والنا الطيب فوقفت حائر مع الأعتذار لك


اخوك واصل عزيزي

حياك الاخ ابوغاده واسعدني مرورك وهذا منتدانا ويستاهل

حياك واصل وماجاء قصور وماسوينا الا الواجب والله يقدرنا لخدمه هالمنتدي