قيصدة الشاعر / راشد بن فالح العزيزي بمناسبة عودة الشيخ حبيب بن هديبان الشاطري من أمريكا

بديت باسم الله سلام يعم كل الحاضرين=والحمد لله والثنا ثم الصلاه على النبي
الشكر لك يالواحد المعبود رب العالمين=علي سلامة جاري الغالي عزيز المنسبي
هذا حبيب جاره الله من شرور الحاسدين=سلامته عندي تساوي رأس مال ومكسبي
ابو علي شيخٍ علي الطاله كما الدرع المتين=رجل الشجاعة والكرم عند اللزوم مجربي
عز الرفيق ومنهلن يروي كبود الواردين=اليا ورد عد الروا على الكرامه يشربي
من بعد شكر الله تحيه للرجال الغانمين=اهل الشجاعة والكرم والغرف شايب مع صبي
الاد شاطر كاسبين المدح مــن ماض السنين=اهل القنا والسيف والبندق وخيل مدربي
تاريخكم يشهد بفعل ايمانكم علمن يقين=علي ظهورالخيل بالميدان فعلن يرهبي
واليوم عم الامن والامان بالبلد الأمين=في عهد سلمان الحزم سلمان صقر المرقبي
الله ينصر جيشنا اللي بالحدود مرابطين=والداخلية والحرس والامن شرق ومغربي
تحت العلم باروأحنا وعيالنا متبرعين=والتفرقة والشك والخذلان عنا مجنبي
قلته وانا جدي عزيز العز كيد الكايدين=عزبز ابن وائل عزاتي وافتخر في منسبي
من دون نقص في حقوق الغانمين الطيبين=ولا يقصر في حقوق المسلمين ألا غبي
من بعدها صلوا علي المختار سيد المرسلين=علي رسولٍ مرسله رب الملا واخر نبي

صح لسان الشاعر العلم راشدالفالح
وسلم نقلك اخي محمد

اخوي محمد الرقابي

جرى تنسيق القصيده من قبلي

بيض الله وجهك على ايراد قصيدة الشاعر راشد بن فالح الرقابي

صح لسانه عدد بلامدد على هذه الجزله

وجاره يستاهل اكثر وأبو محمد وفي مع جاره وكل معارفه

والحمدلله على عودة أبو هديبان طيب متعافي

بانتظار جديدك

تسلم وبيض الله وجهك