قنبلة الشعر

رد الشاعر رعد الشلال
في قصيدته ( القنبلة )
على الشاعر محمد ابن الذيب

،،،،،،،،،،،،،،،،،،،،،،،،،،،،،،



سـلام حــام وســام وسْــلام وسـلـوم
مـوصـول لـلـدولـه امـــاره امـــاره

علـى العواصـم كــل حـاكـم ومحـكـوم
وعـلـى الـصـدور الواسـعـه والـصـداره

مـا دام ولـد آوى عـوى عـطّـل الـصـوم
سمّـو عـلـى مـلـح اللـحـا والطـهـاره

حـدر اول السطـر ارسـم السهـم مسـمـوم
وعكـس السهـام ارسـم صـدور ومــراره

زخـرف اقـواس البسملـه بـاسـم قـيـوم
تحـيـه..امـا بـعــد ..نـقـطـه..اشـاره

سـلام والـلـي غــرّه ابلـيـس مسـلـوم
سلسلـت لـه حــربٍ عـلـى قــد نــاره

دف..دف..ددم..دمّـامـهــا دق يـاقــروم
طـبـل المسـامـع دق عظـمـه بـطــاره

لا صـار فتـل اشنـاب ومطـاحـن خـشـوم
تعـطـس ورا الحـدبـه دبــار السـعـاره

تبـري بحـبـر وقمـقـم الحـبـر مخـتـوم
والـجــن الازرق مـرتـكـي بالـمـغـاره

يضـرب غطاهـا لا اصبـح الجـو ملـغـوم
ويضغـط علـى جسمـه بـخـار الـحـراره

واقـرا عليـه الراجـفـه وســورة الــروم
تحصـيـن لا تـرجـف زوايــا جـــداره

اسكّـنـه واســد عــن كــل زيـــزوم
مـن جـن نجـد لـجـن مسـقـط لــواره

بالجـن مـا احتجـت لسكرتـيـر مـخـزوم
يكـتـب لــي وتـبـري ثقـيـلٍ عِـيـاره

جـن الجليـد اللـي ورا القـطـب مـزكـوم
اذا يـبـون اكتبـلـهـم فـــي غـــزاره

يـاراكـبٍ جـهـمٍ مــن الـجـن محـكـوم
طيـارة الميـق اقـصـرت عــن مـطـاره

تركبـه او يركـبـك مــع قومـتـه قــوم
لا تجـنـح لـعـرش اليـمـن والحـضـاره

عـرّج علـى ابـن الذيـب وارجدلـه علـوم
نبـغـى مــدارات الـخـشـوم اتّـشــاره

قلّـه محـيـط الشـعـر حيتـانـه تـحـوم
مــن نـجـد جيعـانـه لسـابـع امــاره

تبلـعـك يالمـرحـوم وتجـذفـك مهـضـوم
ويـونـس نـبـيٍ فــك ربــه حـصـاره

مـن رايـة الضلّيـل امـرؤ الــى الـيـوم
جِل شِـل حِـل اسـأل هـل غسـل فـم بـاره

جِل طِف شِف احذِف ضِف صِف اعز سر رز روم
لــو مـركـز الـهـز بـفـمــي دق زاره

فرجـاري افحـج واطلـس الشعـر ملـمـوم
واقــص نـصـف الخـارطـه بـاسـتـداره

لـو معـك جـن الشـرق ترطـن لـه الـروم
والترجـمـه فــي واد عـبـقـر مـثــاره

والشايـب اللـي بسبـع جـمـرات مـرجـوم
يــردح بـبطـنـك مـثـل ردح العْـمـاره

تبقـى رقـم فـي سبحـة الشـعـر ملـظـوم
دون الآحــاد وفــوق خــط الـصْـفـاره

جبـت الفقـار بنكـهـة الـكـرش مطـعـوم
واثّـر علـى المـعـلاق كـيـس الـمـراره

واذا كبـر عـن عـض الاصـبـاع مفـطـوم
يحـك جـلـد الخـشـم يقـشـط اعــذاره

يــوم اتنحـنـح مـدفـعٍ بـالـع هـمـوم
وسّعـت صــدرٍ مــا تسـعـه الـصـداره

يلـوذ قلـب وكبـد فـي ضـلـع مقـصـوم
وتصـيـر ثلثـيـن الـمـراجـل جـســاره

تزبـن علـى الله تنفـض اثيابـهـا حــزوم
وخشـوم ينفـض شَـعَـر غــاره غـبـاره

شبـك الحمـام بظهـرهـا وكــوّر الـحـوم
لا ضمّـهـا الشاهـيـن يـثـقـل طْـيــاره

طِـر ضِـم شبـكٍ كــوّر وكـفـت يـسـوم
نسـاه نـسـوٍ فــك اذى رعــش طــاره

واذا ســأل عـنّـي قعـيـدٍ مــن الـنـوم
بصبـي عيـنـه لـقـف كـبـر وقـضـاره

منـه البلـيّ اللـي مـن التـسـع منـجـوم
حــوّل عـلـى البـيـدا مضـيّـع مــداره

قولـو ابـد يـوم السمـا زحـمـة غـيـوم
تصـادمـت شحـنـات ربــح وخـســاره

يقـدح بكهـرب برقـهـا بـجـو محـمـوم
صــوتٍ يسـبّـح ويـتـهـدم جـســاره

والله يـبـن الـذيـب مــا نهجـنـا تــوم
متخالفـيـن مــن الـسـمـا للـحـجـاره

قاعـد وحـظـي واقــف يعـلـق نـجـوم
عينـي تـنـام وفــي ضمـيـري خـفـاره

لــولا أهـــه زلزلـتـلـك رد مـــردوم
يكـسـر يـديــن مـدبـريـن الـجـبـاره

حـنـا الكـبـار نعـلـم صغـارنـا عـلـوم
نصـبـر عـلـى الـلـي مايـوقـر كـبـاره

إذا كـبـر يفـهـم وإذا يـفـهـم يـصــوم
وان صـام صلـى وكـان صـلـى طـهـاره

ســلام لأهــل الشـعـر ألفـتـه سـلـوم
مخـصـص لشـبـه الـجـزيـره بـهــاره

اخوي فايز العزيزي

صح نقلك وصح لسان الشاعر رعد الشلال

اخوك

الطريس

لا هنت أخوي
الطريس
هذا من ذوقك

اخي فائز
اشكرك على هذه القصيده
وعلى الذوق الرفيع
وصح لسان الشاعر رعد الشلال

تحياتي وتقديري على مرورك

أخي

عامر العزيزي

وممنون لك يالغالي

فئز العزيزي


رااائع والأروع نقلك للقصيده القوية


سلمت أنااملك ونبض قلمك بالتميز داائما


دمت في حفظ المولى

[([(( نواف بن صعير ))])]

أنت الرائع والمتميز دائماً
أنزع القبعة تقديراً وإحتراماً
لشخصك الكريم
كلك ذوووووووووق

يعطيك العافية اخي فائزالعزيزي

على ما اتحفتنا به من قصائد رائعه

[( أخي العزيزي المغترب )]

الرائع مرورك الكريم
وما لايعلمه الأخوان أنك صاحب
الفضل في تعديل الخطاء السابق
لهذه القصيدة

فلك كل الشكر والتقدير
والله لايحرمنا من الناس
الطيبين مثلك وشرواك
،،،،،،،،،،،،،،،