قصيده حادث المعلمات

يا وزيـر التربيـة .. علـم وإفـاده =شف بنات الناس قد راحـوا ضحايـا

من زياده .. في زياده .. فـي زيـاده =كم طريـقٍ يلتهـم ذيـك البرايـا !؟

والله اللـي كافـلٍ وحـده عبـاده =ناخذ الأسبـاب .. نمشـى بالنوايـا

ندري إن الموت ما نملـك جهـاده =ولكن أخـذ أسبابـه تصـدّ البلايـا

فالله الله لـو تكرمـتـوا ســداده =سـددّوا وقاربـوا بـيـن الرعـايـا

كم فجيعه صابت الطفل فـمهـاده =وكم مصيبه جدّدت ذنب وخطايـا ؟

وكم تِيَتّم " طفل " في ساعـة ولاده =فـانتظار أمـهّ فقـد ريـح العبايـا

كم سلبتوا من " أبو " بنت السعـاده =وكم تركتوا بقلب " أم " أقسى شقايا

وكم ترمّل زوج / جدّدتوا حـداده =يلتفت مـا غيـره فـكـل الزوايـا

وكم وجدتوا بعد حادثهـم وسـاده =تبكي الفقـد وتزيـد أسهـم بلايـا

وكم وجدتوا شنطه ومنديل سـاده =مـن بياضـه اختلـط دمّ وحكايـا

وكم وجدتوا دفتر التحضير ( ضاده ) =يكتب : " الرحمه " وهو يرسم شظايـا

وكم قلم جفّ وتخلّى عـن مـداده =وكم ( مرايه) تنقل الموت لـ( مرايـا )

وكم حديث ٍ ينقل الصوت اجتهـاده =وألف تقرير بْـصـور ينقـل عزايـا

أدري إن الموت حـقّ وفـي معـاده =لكـنّ اعتبـروا وقومـوا بالوصايـا

نِشهد الله دونكـم حـقّ الشهـاده =مـا بقـا فـتعليمنـا أيّـة مزايـا !

تسلبون الحـقّ .. تعطـون الإفـاده =كـل تعميـم يجـي بإثـره حيـايـا

ترسلوهـم لآخـر الدنيـا وجـاده =لو تعامل .. لو تفاهم .. لـو عطايـا

كنهم للموت طُعـم .. فـي مهـاده =ترسلوهـم مثـل تقديـم الهـدايـا

يـا وزيـر التربيـة هـذي إفـاده =ادرسوا الموضـوع يكفينـا ضحايـا






منقوووووول