ســـــــــــــــلطان الهاجري

واهني الصخره اللي مايحرقها سموم =
=الزمان اللي يهد العزم ماهدها
الزمان اللي تحدا قويين العزوم =
= لين مشاها على ود ماهو ودها
والمجامل بعض الأحيان مايقضى لزوم =
= لابو النفس الضعيفه لابو جدها
مير تجبرنا العوايد وتجبرنا السلوم =
=نكتم الاسرر يالين تاصل حدها
الردي لاطاح جعله يطيح ولا يقوم=
= باح سده والنشاما ماباحت سدها
كل ماكبرت وضاقت على عيال الرخوم =
= نحتزم لاكبر مصيبه وناطا خدها
جعل قسمي عند ربي من خيار القسوم =
= واحدٍ يعطي العطايا ولا يرتدها
ياعيال آدم وحوّا تراها ماتدوم=
= دورة الايـام لابــدها لا بـدها
ياوليد البط وشلون مااتقدر تعوم =
=وانت أبوك يعوم جزر البحور ومدها
وانت ياحلمٍ حلمته مهو مثل الحلوم=
= ياضحيّة مزح الاحلام مدرى جدها
ادرى ان فالناس معطى وفالناس محروم=
=ايه يابيض النوايا ويا مسودّها
ويا ضميري لا يهمك من الدنيا هموم=
=الصعيبه حلّها والبسيطه عدها
جات في سد الشواااارب وفي سد الخشووم=
= كبر الضيفه وعش الضيوف وغدها
والمراجل ماتوفي بضاافية الهدووم=
=كود بسيوف يشوق النواظر حدها
والردي لو درس المرجله في كل يوم=
= المراجل عند اهلها يذعذع ندها
يعتبر قسمه مثل قسم زاهية الرقوم =
=يوم تكحل رمشها والقرون تكدها
ماكسبت الا رضا اهل النمايم والعلووم=
= يارسول الحكي هات العلوم وودّها
الصفوف اثنين هذا دفاع وذا هجوم =
=وانت اظنك لانت معها ولا انت بضدها
شرهة الطيب تعدااااك للغوج العزوم=
=وانت صلفات المشاريه ماإنت بقدها
وانت في سود الأظله تريّح ومخدوم =
=وإن ذبحك الجوع كد التكاسي كدها

صح لساان سلطان الهاجري

ومشكور ياقلب العزيزي على النقل

صح لسان الهاجري

ويعطيك العافية

أخوي

قلب العزيزي

على النقل المميز

يعطيك العافية

صح لساان سلطان الهاجري

تقبل سلامي

ياعيـال آدم وحـوّا تـراهـا مـاتـدوم
دورة الايــام لابـدهــا لا بـدهــا


صح لسان الهاجري

شاعر قمة في الابداع


واختياار موفق منك ياقلب العزيزي
يعطيك العافية على النقل الرائع


وتقبل تحياتي