طاروق عبدالله الميزاني وحبيب العازمي ( جديد )

عبدالله الميزاني وحبيب العازمي







حبيب

سلامي سلام فيه معنى وابا معنـاه=على الشاعر اللي جرته تدفن الجرة
يقولون عبدالله على شـان ذاك وذاه= يجيب الحصا في نجد من حرة الحرة

عبدالله

هلا مرحبا ليلك سحاب اوله واتلاه=حول برد في مرات ويسيّل البـرة
يقولون شركة بين الاقدام والجمهاه= وانا ماعلي من العوازم ولا المـرة

حبيب

وصلك السحاب اللي يسابق بروقه ماه= ويعطيك من خيره ويكفيك من شـره
ابو زيد رمحه فاللقاء خـادمٍ شلفـاه = وحظه بنا له بيت مـع عالـم الـذرة

عبدالله

حبيب ولد لكن ويش اضحكه وابكاه=يجوز السبب صياف ومحمـد الـدره
هذا العازمي ياطول صبره على ماجاه=عيونه صغار ويقطع الحبل ويجـره

حبيب

حبيب ماخلى له حسوفه علـى دنيـاه=وعبدالله اللي شـاب والكبـد محتـره
هذا اللي يبا يداوي ضرير العرب واعماه=عيونه كبـار وسـاع والكحـل مـاذره

عبدالله

على ماتبا ياحلو ياللي قليـل حـلاه=يحاول سنين يحط في ظلم في مغتره
ربط محزمه واشتال حمله ولاوطـاه=على جرته نسمع عتيبه لهم صـره

حبيب

بعد راعي المقضاه قفل علـى المقضـاه=تحفـر قبـور النـاس وتـدور الصـره
هذا شاعر من مطير واحرص على شرواه=ولـو اكثـر المطـران فالرجـل منغـره

عبدالله

والا يابراد الما دخيلك على حماه=عليه اربعين من المظلات منشره
انا ماوردت العد حتى تفيح مـاه= ولو ارده مره تساوي ميه مـره

حبيب

تنادي ملوك الجن والجن قالوا هاه= وخطتك مكشوفه ونيتـك مفتـره