ضاق صدره وغنى

يقوله اللي ضاق صدره وغنى=من هاجسن بالصدر قمت أستعيده
وجدي على شوفة بيوتن تبنى=بيوت الشعر ماهي بيوتن جديده
في ديرتن فيها الغزال المحنى=مستامنن ماجفله من يصيده
وجدي عليها وجد منهو يونى=سجين ظلم ولابعد فك قيده
واعزتي للي رضا وأستكنى=وسط المدن ماهمه ألا رصيده
غير الدراهم مارجى ولاتمنى=هو كل همه كيف ماله يزيده
لاماطراله شوف غصنن تثنى=في عبلتن فيها الطرايد شريده
ولاماطراله كيف هيلن وبنى=وصفة دلالن نارها مستقيده
ولاماطراله خوتن ماتونى=خوة ذيابن فالدروب البعيده
ماسج رجله بالحياة وتعنى=ولاصكته سود الليال العنيده
واللي سواته وجدن في زمنا=ماجربوا طعم الحياة الزهيده
وألا أنا لاباين البرق منا=ثم خيلت والبرق زاد بوقيده
تطري علي ملحى ردومن تحنى=يشدها برق الحيا في شديده
هي منوة اللي بالمدن ماتهنى=ولاهمته عيش الحياة الرغيده
همه ليامن أبلج الصبح دنى=محماس بن ودلتينن فريده
هي منوتي هي سلوتي في وطنا=لولا غلاها ماكتبت القصيده

وتقبلوووووووا تحياتي
تركي العزيزي

تركي العزيزي

صح لسانك
وأبداع وتألق ما شاء الله عليك

أوقفتني لقرائة القصيده اكثر من ثلاث مرات صح لسانك وآطال عمرك وسلمة لشعر رمزا نفتخر به

وسجلني من المعجبين بقصيدك وابداعك

أخوك
واصل عزيزي

تركي العزيزي

صح لسانك

ويعطيك العافيه

الله الله عليك أخوي تركي


شاعر جزل جزل


سجلني دوماً معجب بقصائدك و شعرك

صح لسانك يا أخوي


قصيدة جزلة و معبرة


سلمت يداك


مشكوووووووووور


كــُـن بـخيـر أخـي


أبو عبدالعزيز

أخوي/


واصل عزيز أنه لمن المحفز لي أن أضع شهادة أعجابك بما أكتب وسام على صدري ودمت لنا حافزا ومشجعا للتقدم والأتيان بكل جديد

تقبل تحياتي

وشكرا ألف شكر لك

أطال الله في عمرك



تركي العزيزي

أخوي/

الزعيم
صح بدنك
والله يعافيك

وشكرا لمرورك العطر



أخوي الفارس/

أعجابك أنت وغيرك سر أبداعي في هذا
الصرح الشامخ

تقبل تحياتي

ودمت سالما



تركي العزيزي