يا خالد احذر يا حازم احذر يا محمد احذر

يالله يالمعبود خلاق الاكوان=ياعالمن مافي الصدور الخفيه
انت الرجا والرزق من كل بيبان=يامنزل القران مرسل نبيه
ياواحدا ماغيرك احدأ له الشان=بمرك تجي حسنات وتروح سيه
وبمرك خلقت انسان في داخل انسان=سبحانك الله كل صبح وعشيه
وسبحانك الله عد ماكاينن كان=واعداد ما شوف النجوم العليه
من مابصدري قمت اغني باللحان=مرة اروح هناك ومرة هنيه
شانت طبوع الناس مع شين الازمان=هذا يودي علم ويجيب زيه
صار المنافق يخلف اقلوب الاخوان=ويبعد خوي عن جلسته مع خويه
وصار الكذوب يقول هرجن ابرهان=ايبرهنه واحد كذوبن وزيه
وصار الحقود يحد سيفه وزعلان=حتى ولو ماصار فيه البليه
وصار الجحود يقول مافيه شكران=حتى ولو انك عطيته عطيه
وصار الرخوم منافسه كل شجعان=يضرب ويذبح لو من الناس ميه
وترى الغرور ان كان فالرجل عميان=والي تواضع منزله فالثريه
وترى البخل لن جاك فالرجل نقصان=والا الكريم يعد راع الحميه
ويا خالد احذر فزمن وانت فهمان= من ما ذكرته لا تجيك الاذيه
ويا حازم احذر لا يجي فيك حقران=لا تحتقر وان شفت حاله رديه
ويا محمد اليا شفت طلقين الايمان=ارحب وقول اهلين ياحي حيه
ابوك فالوقفات لاقيل حمدان=يعطي العطى ماينتظر له جزيه
ما قلتها وانا على شي زعلان=هذي نصيحه فاليالي البقيه
تمت وصل الله على نور الايمان=محمد اللي ما رضى بالخطيه

اخواني اعضاء وزوار المنتدى اقدم لكم هذا القصيدة المتواضعه واتمناء
ان تنال اعجابكم وهي عباره عن نصيحه
اخوكم احمد

صح اللسانك ياااحمد

وننتظر جديدك

دمت بود

أحمــد بـن خـالد

صح لســانك

ويعطيك العااافيــه

تحيااااااتي

أحمــد بـن خـالد

ويعطيك العافيــة

صح لسانك ياااحمد فعلاً شاعر

صح لسانك يابوخالد وقصيدة جزله من شاعرجزل مليئة بالحكم والنصائح

مشكور
ويعطيك العافيه