شمخ الجبال( مشاركتي في تكريم ماطر الطريس)

السلام عليكم ورحمة الله وبركاته


مساكم الله بالخير ياحباني

هذه قصيدة القيتها في حفل تكريم اخونا وحبيبنا ماطر حبيب الطريس

عسى ان تنال اعجابكم .....



على الخميس العصر يوم الصيف باجوائه يحوف...... ..المنطقه واجواء الشتاء مستسلمه مستسلمه

عنّزت بعد الله على هاجوس للجزله شغوف............... ...ياخذ من النّدر شواردها ومالله اقسمه

وعنّيت شردن ما تعبت اعنّها غير معروف.......... .للصاحب اللي خيرة الاصحاب والقلب حشمه

وانا عرفت ان التعب فالصاحب القرم مخلوف...... .....ماهو من اللي يستوي عندي وجوده وعدمه

العذر يقنع عن مجيي وتهبى كل الظروف...... .......في ذمتي ما يترك الواجب عبث غير رخمه

الفرحه اللي ما تعبرها القصايد والحروف..... ...............في ليلتن فيها السعاده والفرح رز علمه

ماجيت جده تمشية والا مدّور للالوف....... ...................لفيت تقدير لرجالن سعد منهم محزمه

سلام ياروس الرجال اللي على العلياء تطوف..................سلام ياشمخ الجبال اللي تضد المجرمه

سلام يازحول الرجال اللي تبدد كل خوف..... .............سلام ياوجيه الرجال المكرَمه والمكرِمه

سلام ياجزال الخصال اللي على الوقفه لهوف....................سلام ياذخر الشدايد فالليال المجهمه

سلام ياكرام السبال اللي مقاديم الصفوف........ ..............سلام يا معنى الوفا فالنايبات الملزمه

سلام يا عز الفعال اللي لها العز معسوف....... .................سلام والتاريخ ينصاها قبل لاتزهمه

سلام يامن ينظر بمعروفها من لا يشوف......................سلام ياهل العرف منهين العقود المبهمه

سلام يالاد الطريس العود مكرمة الضيوف...... ............اللي تذري في ذراها من يضيق ابه نسمه

تسليمة اللي يوم جاه العلم ماقال ابى اشوف..................فزت معاليقه على الواجب وساق اله قدمه

ياللابه اللي لو اوصّف ما تقديني وصوف.......... ......اللي كسبت بالطيب رفعة راس و العزه سمه

ماجتهم العزه عبث جتهم على لمع السيوف ........ ..........يوم الضعيّف طاح فالغبه ويرخي برطمه

رجالهم مطنوخ من طناخته منزوع خوف.................. مشهود له في صفحة التاريخ والوقت رسمه

قوي باس وعز راس وبعد شوف وطيب جوف................ بالعرف والحكمه وقو الراي ربي ملهمه

نال الكـرامه والشهامه والندامه للضعوف......... ............وذورة سنام المجد والنوماس بالفعل حكمه

سلام يابو فيصل الله لايعرضك الصدوف................. يالصاحب اللي كاسب النوماس والطيب قسمه

الحمدلله بالسلامه لو يلحقني حسوف........ ...................الفرحه اكبر من كلام الشاعر وحبر قلمه

اشارك الواجب عن الواجب ما تاخذني صروف.................... الله يديم افراحكم كل السنين المقدمه

يقولها نايف وعز الراس من عز الكتوف....... ................مدري تجمل محزمه والا تردى محزمه

قولوا ليامنه تجمل يا جلوس وياوقوف....... .....................صح الله لسانه وابوه الله يبيح ويرحمه

...........................نايف معلي العزيزي.......................................