انا ليا حبيت من قلب نشبه( نايف معلي العزيزي)

السلام عليكم

عوده بأبيات بسيطه عسى ترتقي للذائقه

بشويش في قلبن جداره غدا هش... انعش معاليقه وصل وانتعشبه

لاتنزعج من كثر ما اسأل وتنغش.... انا ليا حبيت من قلب نشبه

ثقيل طينه لا تحركه تبلش... لكن لي قلبن رهيف ابتلشبه

طيرن يدور عن براد الشتاء عش...افهق ضلوعك عن دفاها وعشبه.

اخذني اللي من عنا الحب منهش... محدن نشد عني ولا قيل وشبه

واخذني اللي لو رأى مبسمك طش....العالم الباقي وخلاك تشبه

سحاب لامنه هطل ماطره رش... يبهج بخاطر دايجه نبت عشبه

تعال من دونك انا دنيتي وش....صبحن تعرض ناب ليل ونهشبه

تعال في قلبن جداره غدا هش... لاتتركه ويصير للخلق نشبه

اخذني اللي من عنا الحب منهش... محدن نشدني عني ولا قيل وشبه

واخذني اللي لو رأى مبسمك طش....العالم الباقي وخلاك تشبه

سحاب لامنه هطل ماطره رش... يبهج بخاطر دايجه نبت عشبه

تعال من دونك انا دنيتي وش....صبحن تعرض ناب ليل ونهشبه

تعال في قلبن جداره غدا هش... لاتتركه ويصير للخلق نشبه


عليك السلام والرحمه والاكرام
شاش راس اللث بالقصيده باكملها وبالذات الابيات المقتبسه
حياااااااااااك ابن معلي وصح لسانك
اشكرك بعنف ياشاعرنا ولاخلا ولاعدم
وتقبل ارق واعذب التحايا

صح بدنك يالليث وحضورك شرف كبير

وانت المتألق بحضورك دائما



تعديل بسيط في احد الابيات من العجله كتبته خطا

( محدن نشد عني ولا قيل وشبه)

تحيتي لك

تم تعديلها طال عمرك
ونطمع بالمزيد ياشاعرنا

شاعرنا المتألق دائماً صح لسااااااانك. شعرك سحاب لا من هل ماطره أسقى كل قلب ظامي لقد أتحفتنا بهذه الرائعة. تقبل تحياتي. وشكرا

الله الله الله
تعجز الكلمات ان تجد وصف لهذه
الجزله... السلسه... السهله ... الصعبه .... الفارهة الجمال
صح لسانك الى ان ترضى
ودام لنا الشعر اللي يجي من شاعرنا الرائع
نايف بن معلي