قصائد الشاعر الكبير:مفرح الظمني رحمة الله

السلام عليكم ورحمة الله وبركاته

قال الظمني هذه القصيدة عندما سافر الى الامير:ماجد بن مشاري البصيص المطيري،يقول

الظمني:ودني ياموتري لبن مشاري=لاتوقف لين ناصل عند بابه
ودني شيخٍ على الناموس ضاري=ضارياً للطيب من طلعة شبابه
شيخته بالفعل ماهي بالعواري=وارثين الطيب من عصر الصحابه
يوم جا عباس طاري له طواري=ناهضٍ جيشه ويلعن بالحرابه
انسدح عباس من ضرب السواري=وانهزم جيشه وكبه في صوابه
عقب فعله ماحدن هاز المطاري=تمشي القطعان ماتوخذ نهابه

وهذه القصيدة في الامير: ذعار بن يعقوب الحميداني المطيري
يقول الظمني:

موتري شاريك لي قصد ولزومي=ماشريتك للوظيفه والاداره
لاتروعك الفيافي والحزومي=حالفن لقصاك لو تونس حراره
موتري خلك على الطرقه جزومي=ودني لذعار لو تبعد دياره
ودني قرمن تنصاه القرومي=الامير اللي زها ثوب الاماره
شوف ابو يعقوب ينسيني همومي=موعدينه بالسلام وبالزياره
يالحميداني عسا عمرك يدومي=دامت ايامك على عز ووقاره
سلم على مفرح يابو فلاح=القرم راع المواجيبي
يا لو حضر دورنا اللي راح=ليجيبك فعله على الشيبي

وهذه قصيدة الشاعر مفرح الظمني الى خاله صنيهيت بن شرار
يقول الظمني:

الله يمسيكم يابو مانع بخير=يالطيب اللي بالوفا عارفينه
لاتفرش الدكه وتعطي مشاوير=اقعد لعصمان الشوارب رهينه
من دور العليا يحمل المخاسير=ولابد ماعمر الفتى دافنينه
ان كنت رايح في طلب ينفع مطير=قلنا عسى صنيهيت تسلم يمينه
وان كان مشوارك لجمع الدنانير=فالخير واجد والثنا واحدينه

ورد صنيهيت بن شرار على مفرح ويقول:

جانا من مفرح كلامٍ وتعبير=واللي يجي من ربعنا قابلينه
قوله صحيح ولابدا منه تقصير=ويقطع نصيب مايحوش السمينه
قدر كلامك يامفرح بتقدير=تراك غالي والمعاني ثمينه
خوالك اللي ينطحون الطوابير=كم فارسٍ بارماحهم جادعينه
حنا ليا صحك علينه المشاهير=يفرح بنا راعي الثبور المهينه
نرسي على الواجب كما يرسي النير=نوفي الوعود وحملنا شايلينه

قصيدة لشاعرنا في مدح محمد الهزاني المطيري
يقول مفرح:

يوم ضاقت قلت ودوني محمد=مايحل المشكله ياكود اهلها
يامحمد جيت ناصيك متعمد=عاجز عن حملة وانت جملها
دوك جرحي ما يداويه المضمد=ماحدن غيري من المطران اكلها
واقفن شغلي وبنياني مهمد=والكفاة مالقيت اللي كفلها
يامحمد يوم جمر النار جمد=شبها قدام لا يبطل عملها
لاتخليني ترى الماقف تجمد=ضاعت الحيله ورجلي في وحلها
جعل تفداك الوجيه اللي ترمد=لو تزيد اموالها محدن دهلها

وقصيدة لشاعرنا في مدح الحاج محمد ابراهيم المزين المطيري
يقول الظمني:

الطيب والله بالمزين لقيناه=طيبه قديم ووارثه من جدوده
محمد اللي تفعل الطيب يمناه=في كل مجلس حاضرينن شهوده
حر تسلسل من ابراهيم مجناه=الدين واجد والفعول محموده
ابو خليفه جعل ال؟؟؟؟؟ تفداه=الله لا يعدم علينا وجوده
ليت البخيل يشوف مدت عطاياه=حتى يقوي بالعزايم جهوده

وهذه قصيدة لشاعرنا في مدح محمد بن علي الغنيم المطيري
يقول الظمني:

ودك اليا منه بدالك لزومي=تلفي على ابن غنيم والا لشرواه
محمد ليا صكت عليك الهمومي=عون الرفيق وعون من جاه ينخاه
لاجيت يمه ضايقن ومهمومي=لو ان همك كبر حوران تنساه
ان جيت غالي وان قعدت محشومي=في مجلس كل المناعير تنصاه
وحمود مثله جعل عمره يدومي=الفعل فعله والحلا يا حلاياه
اولاد علي مشرعين السلومي=الكل منهم تفعل الطيب يمناه

وهذه قصيدة لشاعرنا يقدم بالاعتذار من الامير:تركي بن عمر بن ربيعان العتيبي حيث اقام الامير للشاعر وليمة غداء ولكنه لم يستطع الحضور فقد كان رفيق للشاعر على عجله من امره ولم يستطع شاعرنا الحضور فارسل هذه القصيدة يعتذر ويقول:

ياشيخ يابن الشيخ شيخ الرياجيل=ياعز روق اليا بلتهم بليه
يابن عمر ريف اليتاما المراميل=ياعون من يرجي وراه العطيه
ياللي محلك للنشاما مداهيل=غير الشحم والهيل فيك الحميه
لاولاك تركي كان سميتك سهيل=عليه ابن حثلين ساق المطيه
اسمح لنا يابن الذي يتعب الخيل=انا مقصر والمطاريش اذيه
لزمت عزيمتكم وحنا معاجيل=ولاني بمن يعصي مشهورةخويه
عن شوف ديوانك نحتنا المحاويل=من الرياض الى الكويت الابيه
لازم نعوضك باليل المقابيل=وان عدتها ياشيخ حقك عليه
واسلم وسلم لي على كل حلحيل=نسل الفهود اهل النفوس النقيه
اللي بمجلسهم تدور الفناجيل=ربعن طربهم صبة الشاذليه
اولاد روق مخضبين المصاقيل=لاجنب الراعي طريق الرعيه
لحقو علي اللي يبردن المغاليل=نسل الصويتي من بنات العبيه
مع ضف ابو تركي بعيد المصاويل=عوق الخصيم اليا تعدى اردعيه

هجينية لشاعرنا قالها حينما توجه لزيارة صديقه عبدالله بن عتيق المسطور الديحاني المطيري.
يقول الظمني:

يابو مانع كان مافيها كلوفه=هات بشتك والمواتر جاهزاتي
يم ابو عباد روحتنا مخلوفه=كيف تشقر والسوالف طيباتي
شايب يذبح على الواجب خروفه=مايحسب بالليال المعسراتي
ساعة المسيار مانقدر نطوفه=لو وراه بيوت ناس مفتحاتي
من رجال تعطى الحايم علوفه=بالرماح وبالسيوف المرخفاتي
ماعرفت كريكرين فيه حوفه=طيبين وينطحون الموجباتي

كان الشاعر مفرح الظمني
يراجع احدى الدوائر وبرفقته ولده((بدر))وقد كان عمره انذاك 12 سنة وقد كان شاعرنا يشعر بالم في رجله فقال له ولده ((لماذا ياوالدي حتا العجائز اسبقتنا في المشئ))فأجابه بهذه الابيات:

يابدر رجلي بالمسير عثرني=صارت هقاويها البعيده قريبه
نخيتها لا شك ماساعدتني=تمسى وتصبح في مرضها عطيبه
حاولت اطول شوحها واشلعتني=شلع الحنيش اليا تعاقب خليبه
عثرت حياة يابدر صادفتني=العيش ضيق والليالي رهيبه
حتى العجايز بالطريق اسبقتني=غليبتن ياكبرها من غليبه

هلا والله أخوي وابن عمي أبوماجد

صح لسانك ولسانك شاعرنا الكبير مفرح الله يرحمه ويغفر له

موضوع جميل كما هو متوقع منك

بيــّـض الله وجهكـ

سلمت ولا هنت

دائماً مميز أخي

وننتظر تعليقاتك و جديدك دوماً

يعطيك العافية

مشكور

كــُن بـخـيـــر أخـي


الــفـــــارس

مشكور
والله يعطيك العافيه

شكراااااااا أخوي