الا عباد

بسم الله الرحمن الرحيم

السلام عليكم ورجمة الله وبركاته

وبعد اقدم اليكم قصيدة الخال بدر طالع معجب الترحيبيه في حفل زواج سلطان متلع اتمنى ان تنال اعجابكم


بسم الولي الذي ماغيره احداً يبيد=اللي جميع السراير عالماً غيبها
ابدا بذكر الكريم الي لوجه نعيد=واجمل عبارات للخلاق ندعيبها
والحمدلله مجري دمنا بالوريد=نشكرك ياسامع الدعوات ومجيبها
ونطلبك بأعظم اسم سميت به يامجيد=تغفر لنا مامضى واستر عذاريبها
يامحقق الأمنيه حقق لنا مانريد=الجنه وكل مسلم بات يوصيبها
والموقف اللي دعاني في جديد القصيد=اقوم اجمل عروستها واماريبها
وازفه للمنصه بالباس الجديد= حتى حضور الفرح زادة تراحيبها
واللي براسه نعاره قام سطره يزيد=مشاعراً تجبر الشا عر يغنيبها
واستلهمت نفسي اللي باغيه للمزيد=وامشي واعد الخطا واحسب محاسيبها
لني كذا فيضي الصادق يجيب المفيد=في حفل سلطان نادتني ملاعيبها
واقف امام الحضور بشيلتي والنشيد=عن ال معجب يفوح الطيب من طيبها
يامرحبا بالحضور عداد حب الحصيد=واعداد سيلاً نزل بالأرض يمشيبها
واعداد ماغرد العصفور فوق الجريد=غنت عصافير بأمطاراً تغنيبها
سوق الدلال الصفر حتى المسافر يهيد =من رحلةً كمل النشمي مواجيبها
وشب الحطب واوقده والعود الأزرق نضيد=خله يطيب رجال العز ويصيبها
مبروك ياشبل في وقت اللوازم رصيد=عسى السعاده معك ترقى مراقيبها
انسال قوماً لهم فى المجد علماً اكيد=ال الرهيف دروب الخير تبديبها
ولأانساك ياعزوتي وقت الزحام الشديد=عدوانها بالقاء تكثر تناشيبها
الآ عباد فرحة من زبنهم ضهيد=شخصاً سمع صيتها واعجب با ساليبها
فيها الكرم طبعها واخذ الكلام السديد=ربعاً جوانيبها لانت لصاحيبها
وانا من مطير قوم سادة اللي يسيد=مسكين يامضيع الهقوه ومرهيبها
ماذم كل القبايل من قريب وبعيد=كلاً حسب موقفه شيد مناصيبها
واليوم نفخر نبايع غيرهم مانريد=ال السعود السعد وسع مضاريبها
ويالله تخزي هل الحقد والفكر البليد=الي بهذا الوطن كثرة مناديبها

واقـف امـام الحضـور بشيلتـي والنشـيـد==عـن ال معجـب يفـوح الطيـب مـن طيبهـا

يامرحبـا بالحـضـور عــداد حــب الحصـيـد==واعــداد سـيـلاً نــزل بــالأرض يمشيبـهـا

صح لسانك كفيت وفيت

وافي ياابن طــــالـــع وعز الله انك مبدع دائما

وصحت يد اللي نزلها وعساكم على القوه

تقبل مرور اسد بني عزيز
الـــــبـــــنــــيــــد

بيض الله وجهك يالبنيد وصح بدنك يااسد بني عزيز وشكرا على مرورك

صح لسان ابومقرن وبيض الله وجهه على هذي القصيده الترحيبيه

والترحيب ماهوغريب عليهم

وسلم نقلك اخي عالي الهمه

تقبلو تحياتي اخوكم

عبدالله المندهه

صح لسان ابو مقرن

وتسلم يمناك على النقل

عبدالله المندهه اشكرك على المرور وصح بدنك وبيض الله وجهك وماعليك زود

عبدالله هلال مرحبا بك واشكرك على مرورك وبيض الله وجهك

ياعـالي الـهمه اسلم جـعـل عمرك مديد
طـرحك مـميز وجــزل وخـالك يـجـيـبها
سلم ناقلها
وصح لسان شاعرها

يالليث اعرفك دايم من هل الراي السديد-------------- ولعل ماجبنا لكم تعجبك في ترتيبها

اشكرك على مرورك وصح بدنك

صح السان ابو مقرن

قصيدة جزلة وماهي غريبة عليه

ومشكور على نقلك ياعالي الهمة

تقبل تحياتي