[ما طردت المقفي اللي بان لي خيره وشره::ولا خضعت براسي إلا لله وهاذي عباده ]

عُدنا وسنتحفكم بكل مايسعدكم ..

خلاص ما شوفه ينفع معك ملام ولا تشره=كل ما زاد التشره زدت في صدك زياده
كيف أبصبر وأنت ما عندك وفى وإخلاص مره=التجافي صار لك في تالي الأيام عاده
كل ما عندي عطيتك ما بقى مثقال ذره =وانت ما حسيت فيني ياخي وشهي هالبلاده
تحسب إن القلب بيدينك على كيفك تفره=هيه حسي ما وصلنا لحد هذا بالبراده
أبتدينا نشرب من الماء على حلوه ومره=وإنتهينا ما يبل حلوقنا نهر ن مداده
أبتدينا مع بعضنا بالمسره والمضره=وإنتهينا من سواتك من نكاده في نكاده
مشكلتك إنك تحسب القلب بايح لك بسره=من خفوقي لو يطول الوقت ما أخذت الإفاده
يوم تضحك لي بصدق ويوم تضحك لي مغره=ما دريت إني معي من تجربة عمري شهاده
ما طرت المقفي اللي باين لي خيره وشره=ولا خضعت براسي إلا لله وهاذي عباده
ما خذينا منك كره عدتها عشرين كره=كل يوم تشن حرب كنها حرب الإباده
وكل يوم أعيد بالموال في صوتي وأجره=ولا أرتفع صوتي بسمعك زاد راسك في عناده
أتحمل وأتحمل والمشاعر مقشعره=كم فرصه عدتها لك لين مليت الإعاده
بس والله ما تحصل بعدها لوم وتشره=كان تبغى تصد عني زيد في صدك زياده

اخوي : عاشق هباء

السلام عليكم ورحمة الله وبركاته

منور المنتدى بوجودك وموضيعك

كلك جديد وطرحك جديد

تقبل مرور البنيد

تحياتي لك

يالربع شـوفـو نقـل عـاشـق مـعـي لله دره
نقله اللي يعجب الليث ومن القاري اشاده

سلم نقلك اخي عاشق هباء
وسعيد بتواجدك

نرحب بعودتك ياعاشق هباء

صح نقلك وصح لسان وصوت الشاعر والمنشد ناصر الرزيني