يامعذب الاحباب ياغايب متى وقت الوصول ,,,,,,,

يامعذب الاحباب ياغايب متى وقت الوصول
انا على نار انتظر رجعتك لو طال الغياب


ياهمي اللي لو يزول العمر كله مايزول
يقرب من اللي في ايدي وابعد علي من السحاب


ياصيف عمري ياربيع العمر ياااغلى الفصول
يافرحتي ياسلوه الايام ياانواع العذاب


يابحر جده ياشفا الطايف ياحايل وش اقول
ياتراث مكه ياحضاره نجد ياابها والضباب


يانغمه الاوتار ياعزف الموسيقى والطبول
ياضحكه الاحباب مابين التغلي والعتاب


ياعنفوان الخيل ياوقفات ماضين الفعول
يانشوه الكسبان ياعزه عزيزين الجناب


ياضحكه الاطفال يالنظرات في الطرف الخجول
ياهيبه السلطان ياقدر اللحاء حق الرقاب


ياحكمه العاقل ياعطف الام يامعنى القبول
يالذه الما في ظما الظميان ياعذب الشراب


يامعجم الاخلاق يافهرس تعاليم الاصول
يارووعه الابداع يابنك المبادي والاداب


فديت عمرك يابعد عمري جعل عمرك يطول
احسب احساب للي حسب لحسبتنا حساب


بجاه رب ام القرى والقدس وبجاه الرسول
انا مصاب وواجبك يلزمك بأسعاف المصاب


صبرت حول وحال حول الحول واستقبلت حول
وانا انتظرك تذوب في قلبي وقلبي فيك ذاب


وجيتك وانا كلي غلا جيتك وانا كلي ميول
النفس لرضاك احضرت والقلب لرضاك استجاب


وعجزت يااصعب طلوع اسألك يااصعب نزول
تصمت ولا احكيلك سؤال اصمت ولاتحكي جواب


عزلتني عن عالم ماكنت انا عنه معزول
اطرد وراك العمر كله كني اطردلي سراب


سمعت قولي وانت قلي ودي اسمع وش تقول
انا طرحت لك السؤال ومنتظر رد الجواب

سلم نقلك ياصاحب الفخامه

وصح لسان شاعرها ليت وضعت اسم شاعرها

وجيتك وانا كلي غلا جيتك وانا كلي ميول
النفس لرضاك احضرت والقلب لرضاك استجاب


عسآآك ترضى دووم

لا هنت على النقل و الاختيار

و صح لسآآن قآآيلها..

أشـكرك على مرورك الراقي يالليث
وشاعرها هو الشاعر عبدلله السميري

لاهنتي يا أمتنان على مرورك العطـر