اهداء

اهداء الى ماطرحبيب
قامت على ماطر يحومن الافكار= من ربعتاً لهم قدر واحترامي
غنيت يوم اشتاق فيضي للابحار=وسفينتي توجهة للاكرامي
يابن حبيب من الزمن صرت محتار=وقد قيل كثر الطق فك الحامي
والرجل لن جاته حواسيس واسرار=يذكررجالاً طيباً المقامي
وانا ركزة العلم صوبك بالأ خبار=خابرك من يزمي نهار الزحامي
لي صاحباً ماغيره النفس تختار=ابيك ياماطرتوصل سلامي
قله ترى فرقاه في داخلي نار=يمر طيفه في لذيذ المنامي
يسكن بحياً زادنوره بالانوار=غرب المربع بالوصف والتمامي

اخوي عالي الهمه

حياك الله وحي اهدائك

لكن ياخوك انا ماني شاعر واجبرتني اعصر مخي لين طلعت بهذا االرد لعله يفي بالغرض

والمعذره عن القصور

رحبت في فكــــر التواصل ليا سار=اللي لفاني من ربوع (ن) حشامي
القلب له ميناء ليا صـــــــــــار بحار=يرسي وانا معطيه كل اهتمامي
يقلط ليا من حـــده الوقت وامجار=من دون تصنيف اللقب والاسامي
ونقوله لاباس من كـــــــل ماصار=ونعامل الموضوع حسب النظامي.
التقنيه توصلك لين اوسط الدار=وانته توقع لاتنــــوش الملامي
وان كان تبغى يم الاحباب مشوار=ماني بداخل في حلال وحرامي

جاك الطريس ودق صفارة انذار
ذكرني لبــيــت لرشـيـد الـزلامــي



صح لسانك اخي عالي الهمه
اخي الطريس ابدعت بالردوصح لسانك
وتقبلو ارق واعذب التحايا

قامت على ماطـر يحومـن الافكـــار=مـن ربعـتـاً لـهـم قــدر واحتـرامـي
غنيت يوم اشتـاق فيضـي للابحـار=وسفيـنـتـي تـوجـهـة لـلاكـرامــي

اخوي : عالي الهمه

ياسلامي عليك وعلى هدا الانتقاء الرائع في الابيات
ويستاهل الــطــريــس كل خير

قلـه تـرى فرقـاه فـي داخلـي نــار =يمـر طيـفـه فــي لـذيـذ المنـامـي
يسـكـن بـحـيـاً زادنـــوره بـالانــوار =غـرب المربـع بالوصـف والتمـامـي
الله الله
اخوي كلك شوق في شوق

صح لسانك وبيض الله وجهك

تقبل تقديري واحترامي لشخصك الغالي والعزيز

معلا رزن البنيد العزيزي

لاشــك ردك رد شـــاعر وبــــيــطــــار------------------------- وقــصــراً بـلا ضلً عسى للهدامي

وسعرالذهب فى السوق له وزن وعيار-------------- --------- والــدايم الله ولال غـيــره دوامــي

وشعراً كتبته من سبب صاحبــي ثـــار------------------------ وامشي مع اللي طاع ربه وصامي

شكراً يابو حبيب وسلمت اناملك وصح لسانك الا منة هين وتقول ماانت بشاعر لكن بيض الله وجهك

صح لسانك اخي عالى الهمه واخي الطريس
ابداع من الشاعرين وعلى القوه ان شالله