خسران يابو نيتين

يقولون كان فيه رجال نيته وحده (يعني بمصطلحنا على نياته) , وهي تراها مدحه لكن الناس أخلفوووو معناها مثل ما أخلفووو معنى -- حليل--

ومعه خويه جني خبيث بنيتين , وجني ترى مذمه ولكن بعد الناس خلوها مدحه -- يهب يالناس --


المهم مالكم بطوالتها ابو نيتين هذا قال لأبو نيه البير قدامنا والدلو طايح أنا بدليك جوى البير تملى ماعوني .. وبعدين أنا أنزل وأملى ماعونك

قال أبو نيه أبشررررررررررررررررررررررررر

ونزل أبو نيه ويوم ملا ماعون أبو نيتين خلاه أبو نيتين بالبير وروح عنه

وبوقت وجود .. أبو نيه بالبير .. جووو جنيين بذاك البير وقامو يسولفون مثل سوالفنا هذي...

وقال واحد من الجنيين للثاني : تصدق أن البيت الفلاني يقولون فيه جره مليانه ذهب ... من ضمن سوالفهم

وهنا أبو نيه سمع كلامهم وضبطه زيــــــــــــــــــن

المهم إنه مر الوقت وجو ناس لذاك البير ولقوا أبو نيه فيه وساعدوه وطلعوه من البير ويمنه طلع .. راح للبيت اللي ذكروه الجنيين

وبالفعل لقى الجره .. وصار تاجر كبير وأغتنى .. وأنعرف بالخير

وبعد مرور الوقت ..طاح أبو نيتين وهو مفتقر على أبو نيه وهو بطران

ويوم شافه عرفه قال: أنت فلان اللي أنا خليته بالبير هذاك الوقت قال: ايه

قال ووش وصلك للمنزله هذي .. قال صدق نيتي

قال أبيك تعلمني بقصة ثرائك ... قال تذكر يوم نزلتني بالبير...

قال ألا ... .. .. قال جوو عندي جنون وقالو كذا وكذا ...وقال له القصه

قال ايــــــــــه

وطلع من عنده أبو نيتين وراح للبير ونزل فيه على أنه يسمع مثل أبو نيه

ويوم صار بالبير ..... .. جوو الجنيين

وقال واحد للثاني أبك الجره اللي بالمكان الفلاني ما عاد هي موجوده , أنت معلم أحد فيها

قال الجني الثاني لا ما علمت أحد قال وأنا ما علمت

وأبو نيتين يسمع

قال واحد من الجنيين والله أنه واحد بهالبير وسمعنا وراح أخذها

لكن تدري خلنا نهدم البير هذا على اللي فيه

وهدموه وأبو نيتين فيه ومات أثر ذاك الحادث

وقالو الناس بعدين .

أرجو كتابة المثل في الردود لو زاد العدد أكثر من مثل

من حفر حفرةً لأخيه وقع فيها

أبو نيه غلب أبو نيتين

شموخ عزيزي

كل الشكر لك على المرور

وبيض الله وجهك على المثل

ابو نيتين فاله شين

مشكور يابن الذيب

اعجبني الطرح

لا تلعب بالنار تحرء (تحرق) أصابيعك >>> بالشامي
قصة وقصيدة أخذنا معها سجة سلمت يمناك،،،

أشكرك ياأبن الذيب على القصة
وانت قلت عطروا مروركم بمثل لكن أنا أبعطر مروري من قول الله
(( ويمكروا والله خير الماكريين ))
تقبل ردي وودي