ω●●جديد وإبداع الشاعر عبدالله بن هلال العزيزي {ابو وائل}●●ω

السلام عليكم وحمة الله وبركاته

أطرح لكم قصيده أعتبرها من القصائد النادره واللتي لايكتبها سواء متمكن وشاعر فحل ,
لكن إن ذكرت إسم الشاعر فـ بالتأكيد لاتستغربون منه هذا الإبداع ,,,

شاعرنا هو شاعر الوقفات (( الشاعر عبدالله بن هلال العزيزي ))

وإليكم القصيدة .

سريت والليله ظلام وعاصفه واعواء ذياب=والذود اهله تعقله والشاوي يحرس غنمه
وانا ادري ان اكبر قضايا المجتمع عتق الرقاب=لكن نوب الآدمي ماغير شحمه ولحمه
راحت عقول القوم ياماجد عساها للذهاب=ياابليس فك اللي تفكه والزم اللي تلزمه
نهايه الاعجاب لابد ايتخللها عتاب=تقف المصالح لأن بيبان المبادئ محكمه
ياليت تقدير الثقافه او حقوق الاكتساب=تعطى شوية وجه او موطئ قدم والاسمه
في عصر من تعدم موازين القوى والانجذاب=الفاتن اللي كأن موضتها شروطن ملزمه
من شافها صار المقاوم صفر والا قول ذاب =عقله واحاسيسه وجلده لين تدخل في دمه
خلفت عجوزن في جماها مابقى ضرسن وناب=لكنها ماتلزم يديها بفمها تلهمه
تنكروا للشايب للي كل يوم وهو شباب=ومن وسع حلم الله بعباده خلق من يكرمه
مثبت صموده ماانثنى عزمه من طعون الحراب=ان مد ساقه وقدمه وان رد ساقه وقدمه
والحال نفسه يسأل السائل ويلقى له جواب=مهم متطفل يحصل له مجيب يفهمه
ويقدم الخطوه وتاقف به على نفس المصاب=والقاتل امه علمت وام القتيل معلمه
يعني ببساطه قول بحث او قول تأليفة كتاب=فهرس وهامش محتوى الخاتمه ومقدمه
هذاوانا صلف الهبوب اللي يعديها من شان اعديهاالسحاب=اللي فالارض يشوفها لكن مابلت فمه
وعندي علاج الضغط واعلاج القلق والاكتئاب=واللي نوى راسي لقى دونه عضودي تزحمه

ابو وائل

شاعر متمكن

وصح السانه قصيدة جزلة

وشكرا لعاشق هباء

تحياتي

تسلم يابن هلال شاعر نظم مــع حسن الاداب
وليا اعتزينا باالمواقف كـــم شـــاعر تخصمه

قصيده رايعه ومسندها على كفو
صح لسانه واعتلا شانه
يسلم ناقلها

اخوكم الليث

صح لسان الشاعر ابووائل

وسلمت اخي ماجد

صح لسان قايلها

وصحت أنامل ناقلها ،،،

أبو وائل كتبت فأبدعت فأمتعت
شكراً لكـ أيه الماجد

صح لسان الشاعر ولسان ناقلها
لاهنت يالقرم

المشاركة الأصلية كتبت بواسطة الرهيف

ابو وائل

شاعر متمكن

وصح السانه قصيدة جزلة

وشكرا لعاشق هباء

تحياتي

الرهيف ياهلا وغلا بتواجدك وحضورك الكريم ..

المشاركة الأصلية كتبت بواسطة الليث

تسلم يابن هلال شاعر نظم مــع حسن الاداب
وليا اعتزينا باالمواقف كـــم شـــاعر تخصمه

قصيده رايعه ومسندها على كفو
صح لسانه واعتلا شانه
يسلم ناقلها

اخوكم الليث

الليث ياهلا وغلا بتواجدك وحضورك الكريم ..

المشاركة الأصلية كتبت بواسطة العزيزي المغترب

صح لسان الشاعر ابووائل

وسلمت اخي ماجد

العزيزي المغترب ياهلا وغلا بتواجدك وحضورك الكريم ..