ترفه ودلوعة محبة وتختال : يجي لها كف الدلال وتبوسه

حينما نجد القصائد توفي بالغرض فلابد أن نذكرها ونعجب بها
قصيدة أعجبتني وأفرحني وزادني فخر وشرف ان شاعرها علي الريض العزيزي
وبأداء ناصرالرزيني

إليكم الشيلة واتمنى أن تنال رضاكم وإستحسانكم
للتحميل
http://www.deeeem.com/inf//voices-ac...ice-id-763.htm

ترفــه ودلــوعه ومحــبه وتخــتال
يجــيلها كــف الــدلال وتبــوســــه

يمرهــا صح الندى رايــق البـــال
ومن رق طلــتها يمـوت بنـكوسه

تزهر على غيم المحاجر اليا سال
بين الحنايا والخـفوق امغــروسه

من بعدها مافيه هجران ووصال
والكبد من نار الفراق امحموسه

اطهر من البسمه على اشفاه الاطفال
والعيد زاهــي والتــهاني لبــوسه

مثل الضمير الحي واطيب من الفال
ماتشوفها لو كان هي امحسوسه

فيها شغــب طاغي جريــئه وتختال
كيف اخذت من باري القوس قوسه

تشبه وهي تستــقبل الضـل لامــال
شمس على حد الغياب امغموسه

بعد تلبسها الشــفق كــنه اجــــلال
والليل مرسل من وراها عسوسه

دايم واهلها بخوف من عين نظال
اكيد ماخــافوا علـــيها العـــنوسه

لانها من قبـــل ماتـــــلبس الشـال
كانت تنادي من حــلاها العروسه

متـــناسقه مثل الحكايا والامــثال
متناقضه مثل القصيد وطـــقوسه

ذربه عفيفة عرض محمودة اخصال
درب الرذيله ماتجـــيه وتدوســــه

عطفه ولو مادونها هـــوش وقتال
ماهي عن اشعور القصيد امحروسه

بالمختصر عن كثرة الهرج لاطال
قلبي على كرسي غلاها جلوسه

عفــوا" بقـى حاجــه ولابد تنــقال
الملـح والحــالي تجـيه وتحــوسه

ذربه عفيفة عرض محمودة اخصال
درب الرذيله ماتجـــيه وتدوســــه




عطفه ولو مادونها هـــوش وقتال
ماهي عن اشعور القصيد امحروسه



مشكور أخي عاشق هباء على نقل قصيدة لشاعر جزل
من شعراء القبيله




فجر

صح لسان شاعرنا علي الريض

قصيده رائعه

تسلم اخي عاشق هبا

اخوي عاشق هباء

صح نقلك وصح لسان شاعرنا علي الريض

ويسلم صاحب الصوت العذب ناصر الرزيني

قصيده جميله سلمت يمينك عاشق هباء وصح لسان الشاعر

فجر تسلمين على التواجد وعلى المرور
وأهدي لك هالشيله :)

اخوي الطريس تسلم على التواجد وعلى المرور

اخوي ابو ولــيــد تسلم على التواجد وعلى المرور

اخوي قوقل تسلم على التواجد وعلى المرور