فرحه العيد

فرحة العيد

قالو نبي نسالك عن فرحه الـــعيد=وش فرحتك بقدوم عيد رمضاني
قلت الله يعيده علـــــــــيكم تراديد=والله يكافــــيكم شرور الزمـــاني
انتم على نيــــــــــاتكم ياالاجاويد=وانا على ماقيل في جـــــــو ثاني
ماني بويا العيد والصاحب بـــعيد=اللي على بحر المحبه رمـــــــاني
اللي تركني للشقا والمـــــــــــناقيد=مايدري ان اللي وصلني كــــفاني
واناعليه اخشى عيون الحواســيد=واذا ذكرت اسمه يلخبط كـــــــياني
من بعد ما اخذنا شروط ومواعــيد=لكن خربـــــــها معي في ثــــــواني
ومهما نساني حبه بقلبي يزيــــــــد=والله ما ابعد عنه مهما نــــــــساني
ارمي بسنارة ولاتجذب الصـــــــــيد=حسبي على حض(ن)عليه ايـحداني
حضي ردي مثل الحضوض المقاريد=اذا نصيته في اللوازم عــــــصاني
واقول ياحض الشقا خلك اســـــــعيد=خلك معي دام ان خلي جـــــــــفاني
لو يوم وقف معي من دون تعــــــقيد=تكفي ياحض القلب بعده يـــــعاني
واختم كلامي كاش ماهو بتقـــــــصيد=كلام من قلبي يقـــوله لســـــــاني
قولو له يعود ومن دون تــــــــــــحديد=والظاهر انه زين يعرف مــــكاني
قبل لا اعيد فيه عيد(ن) على عــــــيد=عيد(ن) ماهو بمثل عيد رمضــــاني

الشاعر /
عايض نور العزيزي

صح لسانك وعاد عيدك وحبيبك عز الله قدرك

شاعر التجدد والمناسبة فما ان تحل علينا مناسبه غالية إلا ويزيدها حلا قصائدك وكلماتك التي تعانق افراحنا
وليس بغريب عليك الشاعرية المميزة

فأنت حفيد علم من أعلام الشعر ورموز القبيلة وسمية الذي نهجت نهجه الحافل بالنجاح
وإذا ذكر شعراء القبيلة ذكر عايض الرقابي

وهانت تنهج نهجه وتكمل مسيرته العطرة الخالدة في تاريخ بني عزيز


صح بدنك وطاب مقامك وعاد عيدك وعاد حبيبك وطاب فرحك ومقامك الغالي

مشكور يا عايض وبيض الله وجهك
وقصيدة جزلة من شاعر جزل وتقبل مروري

انـــتـــم عـــلـــى نـيـاتــكــم يــاالاجــاويــد**وانـــا عـلــى مـاقـيـل فـــي جـــو ثـانــي
مـانـي بـويـا الـعـيـد والـصـاحـب بـعـيـد**الـلــي عـلــى بــحــر الـمـحـبـه رمــانــي

الله الله

صح لسانك
وعلا شانك يا بن نور