رشيد الزلامي × زيد العضيله محاوره راائعه

رشيد الزلامي :





مرحبا في حلة العتبان ترحيب الكرامـة...... وأثني الترحيب والتقدير للديـرة وأهلهـا
المطـيـري مايفارقـنـا لـيـا يــوم القيـامـة........ مير وين يروح عن بقعا ليا ساقت جملها





زيد بن سلمي :





البقا بك والشجاعة خير من درب الرخامة....... كل نفسٍ ياطويل العمر تجـزى مـن عملهـا
المطيـري سالمـه لـن كـان ودّك بالسلامـة....... وإن بغيـت الثانيـة جعلـك قـوي وتحتملـهـا





رشيد الزلامي :





ماعلينا من هذاك الشيخ لو يكرب حزامـه........ لو يركّب راس ذيب ولو يركّب راس بلها
علمنا جاكـم وصـرّْ العلـم بجنـاح العمامـة ......زلاتعاندنـا تــرى شــارون عانـدنـا وأكلـهـا





زيد بن سلمي :





الجبل ما أحد ٍ يشيله والبحر تسعين قامـة .........العلوم اللي تونّس خاطرك سولف وقلهـا
أعرف البحرين عاصمته يابو زيد المنامة......ز والعرب ماضيّعت قانونها إلا مـن جهلهـا





رشيد الزلامي :





الجبل لـو كـان راسـي ماتحـرك مـن تهامـة..... لين صـار آخـر محطـة منطقـة قريـة

نزلهـا
فيك شـي مـن الظفـر لكـن تأخـذك الغشامـة... طامعٍ لك في علوم كبار لا لك ولا أنت

بـلها





زيد بن سلمي :





الجبل شال الجبال ولا على الطيّب ملامة ....الرقاب العوج يابو زيد تعرف من عدلهـا
الجهل مانتبعـه والمجـد نرقـا فـي سنامـه.... والعيون اللي تدوّر كحل جاها من كحلهـا





رشيد الزلامي :





عزتـي للـي علـى شـطّ البـحـر بـنّـا خيـامـه ,,,,ليـن شالتـه الهبـوب وروّحـت علـى عذلـهـا
أنت خابرنا على درب الخطر سقنا الجهامة,,, وأصبحـت لاتكظـم الجـرَّة ولايهـدر فحلـهـا





زيد بن سلمي :





عزتي للمحرم اللي في الحرم ضيع حرامه,, كانت البيبـان مفتوحـة ولا أدري مـن قفلهـا
يـوم سقتوهـا لقيـتـوا مـحـرم النـايـم منـامـه,, ميبس الأرياق ينصى القوم نصو ولا ختلها





رشيد الزلامي :





أنت ماعندك خبر يوم إنها جابت توامه,, ماكفلتوهـا لكـن الله يعافـي مــن كفلـهـا


انتهى

مشكور العضيله على هذا النقل الرائع وتسلم يمينك

وصح الله لسان الشاعرين ابو ممدوح ورشيد الزلامي

محاوره ممتعه وتحمل الكثير من الابداع من حيث النقض والفتل

يعطيك العافية يالعضيلة
وشاعرين كبيرين

شكراااا أخوي
يعطيك العافية

مشكور
ويعطيك العافيه