عالين الحناب

ســــلام ياربــــــــعن لنا غالين عالين الجناب
تسليمتن تنصى اللي سـمــــــــــــع والغايبين

تسليمت اللي مادخل قلبه لاشــــــك ولارتياب
تنصى هل الطلات وتجنب عن الاش المهينن

افهم كلامي واستمع يالقرم مظـمون الخطاب
ترى الحقايق لوتخــفـت مــــن بعد فتره تبين

وترى الغلا يزداد لهل الطيب مع كثر العتاب
والحق يطلع غصب مثل النور ياذرف اليمين

والصقريشمخ للعــــــلا والبوم يرتع فالخراب
والحر ماهــــو يمعه يتبع كـــــلام المغرضينن

ون لم تكــــن ذيبن بهذا الــوقت تاكلك الذياب
والحق نورن مايغــطــــــــونه رجالن مومنين

وربعي بني وايل على الطـلات متعبت الركاب
ذروة سـنام المــجـــد ســـــالم جدنا والله يعين

زيزوم صـعبات المواقــــــــــف لايذل ولايهاب
يشهد له التاريخ وافـعــــــــاله وناسن خابرين

والله وعد قــــــــطاعت الارحام باشــــد العذاب
ولايقطعون ارحامـــــــهم فالدين قومن غانمين

وانا برين مـــن هل الصدات في يوم الحـــساب
ومن الزلل يالله دخــــــيلك ياالاه الــــــعـــالمين

وصلاة ربي عد ماينشا مـــــــن المنشاء سحاب
على النبي صفوة بني هاشــــــم ختام المرسلين

الشاعر سليمان مرجي الرهيف