طال ابتعادك( نايف معلي العزيزي)

السلاام عليكم ورحمة الله وبركاته


ابيات بسيطه من الارشيف اتمنى ان ترتقي للذائقه


طال ابتعادك ياهوى البال وابطيت .......... وانا اتحرى جيتك واتمناك

ليتك تشوف الحال في غيبتك ليت.......... وتشوف وشلون المشاعر تحراك

حي(ن) مع العالم وفي منزلة ميت........ موجود فالواقع وميت بلياك

تعال وينك من عناء البعد مليت ..........الطف بحالي وانت حالي مايخفاك

تفضحني همومي ليا اقبلت واقفيت......... ويزود حزن القلب واقول يفداك

وشلون مايفداك وانت الذي جيت........... في وسط قلبن يعشق اسمك وطرياك

بنيت لك وسط الحشا بالغلا بيت............ وجات المشاعر كلها غاية ارضاك

تدري وش اللي في حياتي تمنيت......... اني اشوفك واتهنى بلقياك

.................................................. .

بنيت لك وسط الحشا بالغلا بيت............ وجات المشاعر كلها غاية ارضاك

صح لسانك

وكفيت ووفيت يا بن معلي

المايستروووو

الله الله الله رئعه قمة
تفضحني همومي ليا اقبلت واقفيت......... ويزود حزن القلب واقول يفداك
و عندي سؤال اذا سمحت فى احد البيوت ماني فاهمه

شاعرنا نايف صح لساااااااااااااانك .......

كتبت فامتعت وأجزلت ....... هذا وهي من الأرشيف ماشاء الله ...... موضوع مترابط من ألألف الى الياء

تقبل مروري مع الاحترام

المايستروا..... حياك الله يالغالي مرورك اسعدني كثيراا لاهنت

خوي سالم... الرائع تواجدك .... امر وش البيت

منيع الله .... يامرحبا مليوون وصح بدنك يالقرم ولا عليك زود

شاعرنا القدير نايف بن معلي
في حروفك نبض يتكلم
وقلم يترجم سطور همسك
تكلم قلبك للقلم بما في نبضك
في لحظات الهيام الصادقه
لحروفك عزف روحي
لامس مشاعرنا وأحاسيسنا
صح لسانك حتى ترضى

المشاركة الأصلية كتبت بواسطة نايف معلي العزيزي

المايستروا..... حياك الله يالغالي مرورك اسعدني كثيراا لاهنت

خوي سالم... الرائع تواجدك .... امر وش البيت

منيع الله .... يامرحبا مليوون وصح بدنك يالقرم ولا عليك زود

تفضحني همومي ليا اقبلت واقفيت......... ويزود حزن القلب واقول يفداك
هل المقصود بالاقفاء والاقبال الشاعر او المحبوب
واذا كان الشاعر كيف يفضح وهو مقفي
واذا كان المحبوبة كيف يذكر الشاعر في القصيدة انها بعيدة
وتقبل فائق احترامي وتقديري

ههههههه

حياك الله اخوي خوي سالم

طبعا انت تقول انك ناقد وفاهم ولم اكن اتوقع انك لم تفهم البيت...

طبعا المقصود انا وتفضحني همومي ليس امام المحبوب القصد امام الناس سواء اقبلت عليهم ام اقفيت عنهم فأنا مكشوف الهم

فالتعبير مجازي بحت

دمت بود

حياك اخوي الطريس


ياهلا وغلا مرور شخص بحجمك يزيدني شرفا

لاهنت يالغالي

الشاعر والاخ العزيز نايف معلي
اجدت وابدعت وياليت ان تتحفنا ببعض مما يحوي الارشيف فقصايد مثل قصايدك ليس مكانها الارشيف امتعتنا حفضك الله شكري وتقديري