قصيده وردها

قصيده مرسله من نايف ابن منجي الروقي اللي عايض ابن نور العزيزي واليكم القصيده وردها

ياهاجسي عطني جديدك عجل
صبري نفد ماعاد فيني طـــاقه
وكتب من بيوت القصيد وسجل
الشـعر فيني نفرته واشواقــه
ورسل لرجلً قي الرجال يبجل
في هيبته في طيبته في اخلاقه
شاعر ومبدع باالجزاله ســـجل
اسمه وشعره فوق بيض اوراقه
بشــكي عليه ام العيون النجل
لاهل القلوب العاشقه سراقه
فيها الجمال وباالدلال مـــبجل
والخــــد بـــرق المزنه البراقه
قالت بنبره صوتها المتخــجل
عطني من جدادالمشاعرباقه
قلت ابشري هلحين ماني مجل
لن كـــان لا بياتي كذا مشتاقه
وراحت ودمعي من بعدها دجل
وبين المحـــــاني نارها حراقه
والحل عندك ياالعزيزي عجل
صبري نفد ما عاد فيني طاقه

ورد عايض ابن نور العزيزي هذي الابيات

عداد ما تاطا في الارض الارجل
يامرحبا والباب جنب الــــطاقه
اقلط على فنجال كيف وفنجل
فنجالً يطــير عمس من ذاقه
ياصاحبً سوات حر محــــجل
حــرً وصيده لا انطلق ما عاقه
ياعاشقً من رش شعره باالجل
اصبر ولو تل الحشا با اعماقه
هذا الهوا مافيه شي موجل
غدا له بناسً ماهي عشاقه
احدً على موتر وحد متــرجل
وحدً على موتر ماهو سواقه
وحد ً ماينطق كلمه متبرجل
غرقان في بحره مع الغراقه
وحدً غدا شريط وسط مسجل
حتــــى ولو انه يسوق انياقه
وتم الكـلام وجاك دقه والجل
والدقن مايصعب على حلاقه

وتم الكـلام وجاك دقه والجل
والدقن مايصعب على حلاقه


صح لسان الشاعر نايف الروقي

وصح لسانك على الرد الكايف

ابدعتم كلكم مافيكم حيله

أهلا بك اخوي عايض وسعدنا بشوفتك وطلتك الطيبة كشخصك الخلوق الطيب

وصح لسانك يالغالي وكفو ولاهي غريبة عليك
وصح الله لسان الشاعر نايف الروقي