عسى اللي يلحق العاشق ملامه تلحقه لوعات

انا لاجيت ابنسي صاحبي وأنسى زمان فـات
يذكرني طلوع الشمس مـا حاولـت نسيانـه

يذكرني الغلا والشوق والنظرات والبسمـات
مصيبه كيف ابنسى اللي وسط دمي وشريانه

يقولون الغلا ميت وانا اقول الغـلا مامـات
ياكيف يموت وعروق الغلا بشـوق رويانـه

يموت اللي عشق مثلي وترسخ داخله عبرات

ولاينسـى عشيـق ترجـح الكفـه بميزانـه

حقيقه ترسخ الذكرى وتبقا داخل الصفحـات
ما دام ان الوفاء من طبعها والشوق عنوانـه

ألا ياوقت يكفي ماحصل من لوعه الصدمات
دخيلك يازمن لا يغـرق المركـب وربانـه

انا عايش علي سلك الا مل حزه ورا حزات
عسى الله ما يخيب من دعى الله عنـد بيبانـه

ألايا اهل الهوا مايذبح العاشق سوا الصـدات
يموت العاشق المغرم على نظره من اعيانـه

تخيل عقب هجرانه تجيبه ساعـة الصدفـات
لا جا من شان نظرت عينك ولاجيت من شانه

جريمه واضحه بس انت ما تملك دليل اثبات
و لا تملك سوا دمعة حزن من عين سهرانـه

عسى اللي يلحق العاشق ملامه تلحقه لوعات
يطيح بحـب نـاس مايعيـن عندهـم خانـه

وانا لاجيت ابنسى صاحبي وانسى زمان فات
يقول القلب لا تنسى ربيع الحـال واغصانـه

راقت لي

جريمه واضحه بس انت ما تملك دليل اثبات


مواضيعك كلها مميزة ياابن صعير

كل الشكر

جريمه واضحه بس انت ما تملك دليل اثبات
و لا تملك سوا دمعة حزن من عين سهرانـه



عسى اللي يلحق العاشق ملامه تلحقه لوعات
يطيح بحـب نـاس مايعيـن عندهـم خانـه

راق لي ماراق لك اخي نواف

كل الشكر