الشاعر سالم بن جخير..... vxr

ابعدي ياضيقة الصـدر عنـي واغربـي
عن محيا سمح لاضاق للمولـى سجـد

لاذكرت الله من الخوف عـزّي لركِبـي
كيف اكابر والله الواحـد الفـرد الصمـد

لنّي ادري تالي العمر وشهـو مكسبـي
ياتجـرّع مـر ولا اتـلـذذ بالشّـهـد

ياهجوس الشعر غني بصوتـي والعبـي
واستبيحي كل فكره وعيشي فـي رغـد

للعرب مذهب وانا فالشعر لـي مذهبـي
وكل واحد شيخ روحه نـزل ولاّ صعـد

دامني من بحر الاشعار عارف مشربـي
سجلونـي للجزالـه وكيـل ٍ معتـمـد

ويش عاد اقول وانـا محـدّد منصبـي
مابقى الا لمحة البـرق لاحـن الرّعـد

راكـب اللـي لستـوى الخـط مايدبـي
دبي منوة السـواق فالقـار ولاّ فالجلـد

اسمـه ال(vxr) ولاّ عريـب المنسبـي
يـوم غيـره لاذكرنـاه تِكمالـة عـدد

جابه الساير يغيض الفطيمي فـي دبـي
كاتـب ٍ فـي دفتـره كافلينـه لـلابـد

ان نطحته قلـت لبيـه ياوجـه الظبـي
وان قفيته قلـت حـر ٍ يبشّـر بالهـدد

طلتـه طلـة حليمـه وريمـا مكتبـي
ماعلي امن الطبايع علي امـن الجسـد

كن صـوت محركاتـه تـردّد ياصبـي
الله اللي عزنـا ويـن وابشـر بالسعـد

صانعه ماقال ضيّعـت جِهـدي واتعبـي
لنّه اصلاً سهم رابـح ومكسـب للبلـد

صانعه ملعون كوثـر وكافـر واجنبـي
مايفكّـر فالقبـر والنصايـب واللّـحـد

لو اقول انه غبي كيف يصنع ذا غبـي؟؟
مااعتقد ان الغبا من صفاتـه مااعتقـد

ان تكلّم جات الاحـرف ذليلـه وتحبـي
من كلامه كن عنـده مشاكـل فالغـدد

الوكاد انه تفـوّق علـى كـل أعربـي
لاتعهـد لـك بحاجـه تمسّـك بالعهـد

ولا حنّا والنعم بـس فـي كلمـة ابـي
ابي هذي وابي هذي وابـي هـذي بعـد

شغلنا الشاغل لا ذعذع نسيم المغربـي
إلبس عقالك وحافظ على الغتـره هـدد

نفتخر ونقول حنـا علـى نهـج النبـي
ونتفاخـر بالقصايـد ولا فينـا جـهـد

الولد لامن سألتـه عريـض المنكبـي
قال انا شوق الغناديـر مَنّـور وشهـد

اعـرف mbc فيهـا رزان المغـربـي
واعرف اللمبي بطولتك يامحمـد سعـد

ولا سئلت العود غنى ياكنـزي وذهبـي
التجـاره عندنـا فالنعـيـم وفالنّـجـد

ويوم جات قريش تبغي تخـون اليثربـي
وين راح العود ولاّ الولد وين الولـد؟؟!!

الله اكبر يازمان ٍ سبـى حالـي سبـي
الوعد مدري متى ويـن لكـن الوعـد

كان عمري طـال والله لحقّـق مطلبـي
وعقّب اللـي فالشدايـد يمينـه ترتعـد

والهنوف اللي تحاكت وقالت وش تبـي
قلت انا قالت نعم انت وش عنـدك بعـد

دون مااشعر جات يمناي من فوق اشنبي
وابتسمت وقلـت ياجعـل مافيهـا بـرد

ان طفت نار الغلا ماطفت نـار حطبـي
والدليل اني باصـرح ولا عنـدي فحـد

دامني مرتاح واشوف زول امـي وابـي
جعل عيـن ٍماتبينـي يطاولهـا الرّمـد


ودمتم بخير