شرهـــــــــــــــات الخواطــــــــــــر

الشوق ياخذني لحضرة جنابك
والدمع طاح ولا لقاله مناديل
خذني معك بو صفحه بكتابك
أو ضمني وسط العيون المظاليل
تدري وش اللي هزني في غيابك
انك بعيد وماتجيني المراسيل

عطني وعد ماأشوف أنامنك هجران
واعطيك كل الحب وأعطيك عمري

اكتب لغيره والقصايد تجي فيه
كن القصايد حالفه ماتخونه
يمكن لو يلمس الجرح بيديه
يستغرب ان اللي لمسها طعونه

أحدن فعوله بالمراجل تثابيت
واحدن يشابه بالفعايل خواته

المشكله ماهي حكاية كرامه
حنا خسرنا بسبتك ناس غالين

تصبح على خير ياصوت(ن) يسامرني
يدفي شعوري ليامن عانق اسماعي
ليمن سمعته يسرّيني وياخذني
مدري على وين ياخذني وانا واعي ؟
أنسى من الناس دام انه مواصلني
أبحر معا نبرته وارفع له اشراعي

جى يشوف الحال كيفه بعد ما هزه حنينه ..
وقبل يسألني سألته كيف حالك يالحبيب ؟
قال انا كني غريب مضيع دروب المدينه ..
قلت انا كني مدينه تنتظر رجعة غريب !!

مديت يدي يمها وصافحتني
وليتي سلمت ولا لها اليد مديت
حسيت انا في شيء يوم امسكتني
شيء كما الكهرب نتلني وفزيت

ليه تطعني وانا ميت بليا ؟
ماكفاك اللي حصللي قبل ساعه ؟
كن بين همومي وبينك حميا ..
جيتكم واحد وجيتوني جماعه ..
انت منا والمصايب من هنيا ..
كلكم ضدي ترى ماهي شجاعه !!

لاهمني قربك ولاهمني رضاك
والله ولا ذكرى بقلبي تجيبك
ليله لقانا حطها حدر ماطاك
عسى وهمها في الليالي نصيبك