0"اُكـتـب بـيـت شـعـر يعـبــر عــن حــالــتـــك"0

كني مصر والشوق حسني مبارك
اقول فارق بس عـــيَـا يــفـارق

تبكي على فرقى خليك ومحتاس
ماطاحت دموعك لربك ندامه

دايم تفكر فالمحبه ومنحااس
فكر ولو مره بيوم القيامه

آبي منك وعد إنك مآتخليني ولآ تسآوي غلآي بوآحد ثآني

مرحبا بك ياهلا

ياهلا يامسهلا

جامعً زين وحلا

ياحبيب الله عطاك

انت ماامثلك بشر

ياقمر خمسة عشر

زاد همي والسهر

من هواك ومن غلاك

لامني من لادرى

في صواباً مابرى

لو تباع وتشترى

كان انا اول من شراك

أحيان ان عوج السوالف تجرح المسمع
لاصار سود الوجيه..تقـول ماتعنـي

قادر على الذم .. بس الذم .. ماينفع
اخلاقي .. وعزتـي ترفض وتمنعني

آصنع شعوري بفكـري وابتكر وابـدع
لو بعض الاوقات تلقى الجرح يصنعني

شرهاتي البيض .. ناتج طيبة المنبع
وكثـر المواقف .. تبيّن لي وتنفعـني

لاضاق لي خاطـر ولابان لي مدمع
كسرت خشم المواقف .. قبل تلفعني

اطرقت راسي طناخه مارضيت ادنع
من غير(اسمي)الى من طحت يرفعني

ورثت سمعـة..ابـوي وهيبة المرجع
اللي على ارض الوفاء والطيب تدفعني

هي راس مالي ولا لي غيرها مطمع
لاشان وجه الزمـن ثم قام يصفعني

ياليـت الايام تعطيـني سبـب مقنـع
مع خالص الشكر .. لوتقدر وتقنعني

تجرح وتترك فؤادي جريح
باقل كلمة من لسانك

بردان واقف في وجه الريح
وغيري يدفيه حنــانك

مافية داعى للاسف والمعاذير== فى هالزمن خان الرفيق برفيقة

ياسيد الطعنات ما منك تقصير== هذا زمانك وافعل اللى تطيقة

ياشوق من زينها مافيه نقصان
بنت العديم اللي بسده قام وجبر

أنا داري و أداري وإنت داري ** على جروحي وظرفي و اعتذاري

ولكن التغلي فيك عادة ** وأنا مليت من طول انتظاري

تسمع قول عدواني وتزعل ** حذاري يا بعد عمري حذاري

ترى العدوان نيتهم خبيثة ** يجيبون الغداري بالقماري

تأكد قبل ماتزعل عليّ ** تثبت مثل مسلم والبخاري

ألا ياطير صيدك لي تردى ** علامك وأنت صياد الحباري

أنا والله خطير ومتولع ** وجاري اللي من الأحباب جاري

وعيني ماتنوم الليل كله ** سهير الطرف وتهل العباري

أنا اللي ما بقاء ألا ثواني ** من مجافاك وأستدعي الطواري

يشوفون العلاج اللي يناسب ** قبل يكشف علي الاستشاري

أنا عارف من أشكيله همومي ** إلى من صارت الدعوى إجباري

أشاكي من يعرفون المودة ** مثل عـزام وإلا بومـشاري

رجال لا انتخيت بهم شفوني **رجالٍ نفتخر فيهم و أماري

أبشكي عندهم ظبي ظلمني ** رماني بالمشوت والتواري

وخلاني طريح ٍ في حباله ** أصوت مير مالي من مجاري

عليه الله و أكبر كل ما جاء ** مع العذال له ذكر ٍ وطاري

لعب بي لعبة الكورة وسجل ** هدف محسوب في بابي كباري

لعب بي لعب تاريخ البطولة ** وغدا فوز البرازيل انتحاري

يتل القلب مني تل طايش ** إلى من تلله جيب ٍ سفاري

مدلل واعذابي من دلاله ** على فرقات الناس ضاري

غزالٍ شايف ٍ نفسه علينا ** تقول مرشح لمنصب وزاري

وله حق يتدلل ويتكبر ** مادام أهل الجمال أصبح يداري

ولي حق اشتكي مادام قلبي ** يحب الزين رغبة واختياري

وختم الشعر صلى الله وسلم ** على محمد عدد رمل المذاري

وعدك مثل باكر احبه وآخآفه* * * ولا ينقضي باكر على طول الابام

بدر عبدالمحسن