الشاعر راشد المسمى قصيدة فخر واعتزاز اصل الجدعا

السلام عليكم ورحمة الله وبركاته
و مساء / صباح الخير و السرور و المحبه و النور
الشاعر راشد المسمى له قصيدة بعنوان
..:: فخر و اعتزاز اصل الجدعا ::..

حيث كان هناك شخصٌ مغفََل اسمه "عبيد" يسأل المسمى عن اصل الجدعا و رد عليه المسمى بالقصيدة التاله:

ياللي تنشدني عن أصل الجدعا =أسمع كلامي وأفهـم التفصيـل
أسمع كلام فيـه عـدة حقايـق=إن كـان قلبـك يفتهـم للقيـل
قبلك عطينا العلم إبن وسميه =تلقى الخبـر موجـود والتحليـل
ملحا نشت بعلو نجد وتحدرت =مثل الغيوم اللي مطرهـا سيـل
نتبع هواها مايـردد نشيرهـا=نتبـع هواهـا ويـن مـا تميـل
وعدونا ما ينوي الغزو يمها =إلا بغـى الجدعـا يجيـه جفيـل
نسقيه سم الداب في ظرف ساعه=نسقيه ثم نملاء لـه الصميـل
وحنا لنا بالمجد صرح ٍ مشيد= صرح إلا ناظـرت فيـه طويـل
ولنا مع الدويش موقف مشرف= قبـل يقـرر وجهـة الرحيـل
لأجله خسرنا المال لأخوان نوره=البل راحت واقتفتهـا الخيـل
وسبعيـن لحيـه نقـوةِ منقيـه = نقـوة أعيـال كلهـم حصيـل
جونا هل العوجا وسبع القبايل =من كل يمه مثل وصـف الليـل
وهاشوا هل الجدعا وصالوا وجالوا =ما خوفتهـم كثـرة القبيـل
ويوم ٍ تهيا في شعيب الباطن=يـوم ٍ يشيـب حاضـره ويهيـل
يكفيه قول غنيم مـع جـارالله =أظـن مـا قالـوه خيـر دليـل
إليا ذكرت الوقعتين وقتهن =ما ني علـى نثـر الدمـوع بخيـل
إليا مر في الدرب بأحد المواقع =أصد وأغضي والدموع هميـل
ولحد ٍ بلا يمني على فقد ربعي =إليا أونست من بين الضلوع غليل
وخوينا والجار في راس عيطا =والله على ما أذكر لكـم وكيـل
على الجمل شلنا قعود ٍ للعتيبي=شلنـاه مـا قلنـا بعيـر ثقيـل
وحمله تقاسمناه بين الركايـب= شيمـة رجـال ترتكـي للشيـل
وشلنا على صم الرمك فرق جارنا = حتى يعانق طرشنا ويحيـل
حيثه تمنانـا وحنـا لقربنـا = يقـول مـا أبغـى غيركـم بديـل
أخبارنا يا عبيد ما هي خفيه = تعرف مثل ما عرف العرب لسهيل
يدري بها من كان فالبر والبحر=مير أنت أظنك يا عبيـد هبيـل
أفعولنا تعتز فيهـا القبيلـة=يفخـر بهـا جيـل وبعـده جيـل
يا عبيد مالك بالعلوم الكبيـرة =النـاس صامـل هرجهـا قليـل
اللي هرج لك نيته مقلوبه= يضحك بوجهـك والضميـر عليـل
وهذا جوابي يوم جاني سؤالك =وأن زدتها نبـي نزيـد الكيـل
ويقطع كلام ٍ ما يزكيه صاحبـه =ولا خير فـي هـرج ٍ بـلا ذبيـل

الشاعر: راشد بن مرشد المسمى العبيوي المطيري

صح السان قايلها وتسلم ينين ناقلها مشكور اخوي منصورعلى هذى النقل الذي يحفض لنا تاريخ امجادالقبيله
وتقبل تحياتي ---- اخوك بدر بن راشد

صح لسان الشاعر

وتسلم على طرح القصيده اخي منصور

كل الشكر لك اخوي منصور
ولا وضحت لنا مين يقصد الشاعر باهل الجدعاء لانه ما ركزها علي فخذ معينه من مطير

والجدعاء المعروفه هي عزوة بني عزيز ولا احد يلحقه فيها شك , واعتقد ان الشاعر نسبها في هاذي القصيده لغير اهلها