شاعر عنيزة حمد المغيولي ،، وقصائد أخرى ،،

هو شاعر عنيزة الكبير حمد بن عبدالرحمن المغيولي .. ولد في عنيزة سنة 1353هـ , وبها نشأ وترعرع , وفرضت عليه مصاعب الحياة وطبيعة عمله التنقل بين أرجاء المملكة ،، فتنقل بين عنيزة والأحساء والرياض حيث عمل في وزارة الدفاع فترة من الوقت , وساجر , والرقعي , ثم في تبوك وفيها توفي في 7/5/1416 هـ وبها دُفن تغمده الله برحمته الواسعة ..

مارس أبو دحيم (كما يحلو لرفاقه أن ينادوه) الأعمال الحرة في مجال حفر الآبار , وهذا ما جعله كثير التنقل . وتميز بالنبوغ وحدة الذكاء , وكان حلو الحديث , شهما كريما , وجليسا مؤنسا , ومتحدثا آسرا ..

شاعر من فحول الشعراء وشعره في الغزل جمع بين النقيضين العذوبة والجزالة .. فشعره جزل لكنه عذب . وأغلب شعره في الغزل العفيف , ولم يكن يلجأ إلى التصوير الجسدي كما يفعل بعض الشعراء من جيله وممن عاشوا قبله , بل كان يترجم العواطف , ويشرح الهواجس بعبارة ساحرة وخيال خصب , ومعان متجذرة في حياة العشاق ..

كان رحمه الله شديد الإحساس بالكلمة . وله قاموس غزلي متفرد , مرتفع عن لغة العامة , لكنه غير مغرق في الغرابة . تقرأ في شعره الغزلي كلمة غريبة لكنه يطوع غرابتها لتصبح ساحرة في سياقها ..

وباختصار استطاع حمد المغيولي أن أن يقدم المحتوى القديم لشعر الغزل بالقالب الجديد الذي يعتمد على ترجمة الحالة الشعورية بشكل ساحر ..

وأبو دحيم كان من الموهوبين القلائل الذين استطاعوا أن يجمعوا بين القصيد والرد بنفس القوة والمتانة والتصرف , مثله مثل صديقه وزميل دربه في الشعر الشاعر الكبير أحمد الناصر ..

وقد خاض رحمه محاورات كثيرة مع كبار الشعراء الذين عاصرهم مثل : ( علي ابو ماجد - علي القري - عبدالعزيز البادي - محمد بن ثعلي - احمد الناصر - عبدالعزيز المقحم " سهيل "- مطلق الثبيتي - مستور العصيمي - شليويح المطيري ـ خلف الهذال ـ الشيباني .. وغيرهم )..

في نهاية التسعينيات وأوائل القرن الهجري الحالي أحدث مع صديقه وزميله أسد المحاورات الشاعر المرحوم عبدالعزيز البادي ثورة في سوق المحاورة في عنيزة وغيرها , فراجت وكثر عشاقها , وانتشرت في عنيزة انتشارا مشهودا . وقد سُجّلت له محاورات عديدة في جميع المناسبات ..

كان رحمه الله وطنيا محبا لعنيزة عاشقا لها إلى درجة الامتزاج الوجداني بها , لذلك كان يحرص المشاركة في جميع المناسبات الأدبية , وخصوصا الحفلات التي تقام في الأعياد , فكان يشهدها ويحييها وبحضوره تحضر الجماهير الغفيرة ..

ليس له ديوان مطبوع , لكن شعره معروف لدى كثير من المتذوقين والمعجبين , وقد ترجم له معدا كتاب (شعراء عنيزة الشعبيون) في السفر الثاني من الكتاب , وأوردا له عددا من القصائد , كما نشر له عدد من المهتمين بجمع التراث في كتب المجاميع الشعرية ..

غنى قصائده كثير من الفنانين الشعبيين وعلى رأسهم ملك السامري سلامة العبدالله , والفنان عبدالله الصريخ , وسليمان الهندي , وحمد الطيار ..


هذه بعض قصائد الشاعر حمد :


ومنها هذه القصيدة " تعزيت اهوم الصبر " والتي لو لم يقل غيرها لكفته :

تعزّيت أهوم الصبر والصبر ما أطيقه

عيوني من الفرقـا شِقاهـا يْلاحقْْهـا

ألا يا عيوني من طِوى الهم والضيقـه

إلى أقبل سواد الليل هلّـت غوَارقهـا

أنا إنْتَلّ قلبي وانْصَرم مـن معاليقـه

جِزَع وانْمزع والروح شبّت حرايقهـا

ألا يا وجودي وَجْد مـن قِـلْ توفيقـه

غدا لـه ذِهيـبٍ جرّتـه مـا يْعتّقهـا

على جادلٍ كِنْ الكواكب عشـا ريقـه

تهاوى القمر والشمس من فوق عاتقها

عليه أشقر منْقوض تسبـح دوَاليقـه

على نهْدها المركوز والنهـد خانقهـا

ألا وَاهني من صام وافْطر على ريقـه

شَهَر من زمانه عندهـا مـا يْفارقهـا

عسى مزنةٍ من عَصْر تكشف بواريقه

عليها يْحوّل الطير مـن قـوْ بارقهـا

تحدّّر علـى نِفْـدٍ هَوَايَـه مشاريقـه

جنوب الشعيب وشرقها الجال فارقهـا

تجي غبّها الريضان تضحك زماليقـه

حَمَارْ وبَيَاضْ زاهيـه جَـلْ خالقهـا

مداهيل عنقا يشكي الضيـم عشيقـه

يسومل وروحه عاصف الحب طارقها

*******

خاسر اللي يعد الحب له راس مالـي

والله اني بعد جربت وضعـه ماريـده

والله اني ما اعدك ياابعد الناس غالي

بعد ما شفت من جوره وهمه وكيـده

وعساي ان هويت بعمري اللي بقى لي

يفقدن من دحيم ويفقدن مـن فريـده

بعد جربـت واجـد قلـت ياهملالـي

من تورط ببنك الحب يفقـد رصيـده

من جحيم الموده يكفي اللي جرى لي

انشد اللي يجاذب عبرته فـي وريـده

درستنا الليـال وعلمونـا الرجالـي

والغرام المزيف يقطـع الله حصيـده

واحسايف سهر عيني بسود الليالـي

ساهر اشرب الدله واسـوي قصيـده

كم تعنيت لاجلـك جمّـل الله حالـي

لاجل عينيك عاني مـن بـلاد بعيـده

كان قلبك من اللي ينعش الروح خالي

بعت حبك برخص ولا حيـاة زهيـده

مير خلـك بفالـك واتركينـي بفالـي

عن غرامك طويت اليوم صفحه جديده

*******

الا ياليل ياليل الشتاء ماطولك يامبطـاك

على اللي عيونه ما تبا النوم من تالـي

متى تنجلي ياليل والصبح فيـه افـلاك

ابرمي السبب وارجي السعاده من الوالي

تغليت ياغالي وسيـرة غـلاك اغـلاك

على ما مضى تستاهل اغليـك ياغالـي

انا اغليك ياللي سيرة الحب ما تخفـاك

تعرف الهوى واتميّـز المـرّ والحالـي

انا اغليك ياللي مـا تعشقـت ذاك وذاك

ولا صار لك بين العـرب رد وإبدالـي

انا اغليك ياللي كل ماهب لـي طريـاك

لو انك بعيد الـدار دايـم علـى بالـي

اجاهد هوى نفسي على رغبتك ومنـاك

ولا اطيع بك واشي ولا هـرج عذالـي

عسى ربما يا من صنعك الولي وانشاك

تميز على شقح البني باربـع اشكالـي

تميـز بعيـن وعنـق ومبيسـم فتـاك

وعود يميل مع الهوى حيث مـا مالـي

حبيب لبيب لعن ابـو خاطـر ينسـاك

لو انك تغلـى والغلـى سامـر حالـي

حرام الهوى ماتبع طريق الهوى لولاك

ولا الفت نظر عيني على كل الازوالـي

دخيلك ابجاه اللي على رغبتـه سـواك

لما ادعاك مثل سهيل بالماكـر العالـي

على قيس ما كلفتني تشملـن حسنـاك

وانا سامـح يازيـن باللـي تورالـي

*******

سقى الله من الضاحي لما وادي العمران

حقوق دفوق من العشا ضافـي فوقـه

الى زل سبع من الدجى ساقه الرحمـن

رعـوده تحلتـم والمشاعيـل ببروقـه

على مقطر الساقي مع القصر والريضان

ثلاثين يوم الغـرس والنقـع بعروقـه

مداهيل عمهوجه شعتني وانـا مشتـان

وبيّح خفاي بحسـن خلقـه ومنطوقـه

الى شافني هلا وحلـف ثـلاث ايمـان

بلهجة مـوده كـان الايمـان ماثوقـه

اخاف اندفع واصبح ببحر الهوى غرقان

كما ان الهوى راعيه مايامـن البوقـه

اشوف العنب والخوخ والتين والرمـان

والى جيت ابا العنقود ردون لا اذوقـه

لك الله ولولا الله واداري من العـدوان

فلا اخذ ثلاث ايام عن قطـف زملوقـه

غرامي بشقر من ندى المسك والريحان

تجلجل على بيض وعقد علـى طوقـه

اسولف مع الجهال واضحك وانا وجعان

سبب شمعتي من شمعة البيض محروقه

حلى ما تشوف من البني عودها مليـان

حلايا عنود باشهب الملـح مصفوقـه

ثمان على المبسم بها الدر والمرجـان

كما دانة مـن بحـر تسعيـن مفلوقـه

حرام ان خطفت الروح ياقايد الغـزلان

وقلبي من اول يـوم جذيـت معلوقـه

ترى ذبحة المسلم بـلا ذنـب يافتـان

لها حوبة ماهي عن الخصـم مفهوقـه

*******

الا واهني اللي من الحب مـا يهتـم

يطيب الزمان او يختلف شين ماهمـه

معافى زمانه لا يهوجـس ولا ينـدم

يقضي ليال شباط والقيظ عنـد امـه

وانا اللي عيوني تزعج الدمع دمعه دم

واخفي جروح الروح والروح منسمه

سبب جاهل لاهوب يصخف ولايرحـم

لو اني من اقصى الناس والا ولد عمه

حربني وانا ما نيب طاغي ولا مجرم

انا بالبخت يا هافي الوسـط والذمـه

الى صار دينك جايزٍ ذبحـة المسلـم

فالى حل ذبحي خل ذبحي على يمـه

الا يا مربي قذلـة تقـل ذيـل ادهـم

من العنبر الغالي على بعد له شمـه

ابي شربة تبرد غليلي مـن المبسـم

اذا كان تسمح لي على مطلبـي تمـه

صويب المحبه لو نجح دور ما يسلـم

يسومل على همه وهو ناشـف دمـه

ياليت الثريا ماعترض دونها المـرزم

لما الكبد يطفي حرها بـارد الجمـه

حرام الهوى غيرك من الناس ما يلزم

الى صار غيري ما تلد النظـر يمـه

********

على شارع الحله وانـا اراقـب الفلـه

عرض لي عساه الخير من ياسم العرقات

على كبدي اللي تجحـد الغيـظ والعلـه

كواني وخلاني عليـه اجـذب الونـات

تقبل مغيب الشمس يمشي علـى ظلـه

ضحى والضحيه منه انا طحت بالمثنات

حدث بي عقب مااقفيت يافاتنـي خلـه

الا واعذابـي منـك ياشمعـة الزينـات

انا اللي عيوني تزعـج الدمـع وتهلـه

جرح خدها اللي حدها تزعـج العبـرات

غزالٍ تغطـرس بالحـلا والغـلا كلـه

يسوق المنايا سـوق ويتابـع الغـارات

تجزّل بها اللـي بالحـلا محسـنٍ دلـه

عذاب العيون عيونه اللي كما الساعـات

الى اقبل يداني خطـوة الرجـل ويتلـه

اقول الحياة اللـي بقـت مالهـا لـذات

اقوله وانا يـا غافـر الذنـب والزلـه

ليال الشتا قزّرتهـا هاجـسٍ واسكـات

احسب نجوم الليل واسهر علـى الدلـه

فريد وحيد شاب راسي مـن اللوعـات

الا يا هني من ناعم العـود مصـخٍ لـه

ارفّه على نفسٍ طنت من زمـان فـات

ورى ما تعاملني علـى الديـن والملـه

حرام عليك ان مت مقهور مع من مـات

*******

وجودي وجود اللي جذب ونته واشتـان

بعدما وقع وافلت مـن ايدينـه الطـاره

قلب موتره بالقيظ في حومـة النقيـان

صميله وهو ظامي على البـاب مطـاره

فزع للهمـل بالقايلـه والقـدم حفيـان

تعب وانقلب يبكي على شـوف سيـاره

عرض له حلال القوم طفق من القعـدان

جفل ساع شافه يوم حظه طفـت نـاره

يبي نقذة للعـود والعجـز والورعـان

يديـر الروابـع والهواجيـس محتـاره

قعد بالخلا لا مـن صميـل ولا حذيـان

صفق بيده اليمنى من الوجـد بيسـاره

ضرب ركعتين وسلم امره الى الرحمـن

كفـى يامكافـي والمقاديـر جـبـاره

بعد مانصرم نصف الشهر جابوا الرعيان

خبر ميـت بيـن الطعاميـس والقـاره

لقوا جثته ثم اشعروا بالخبـر سلمـان

وقال ابعثوا يكشف على النفـد طيـاره

انا صابني مثلـه مـن الهاتـك الفتـان

طلبته بصلح وشنها امس الضحى غاره

انا وش حياتي كان ابصبر على ماجـان

معك حق تلعب لعبـة الفـرد بالشـاره

زماني وانا اراعيك عن جملـة الخـلان

وافوضك تاخذ جوهر القلـب واسـراره

عسى ربما ترحم وتعطف على الوجعان

على راحتك تسمح مـن الـورد نـواره

اطفي فـؤاد تشتعـل جوفـه النيـران

ولـو حبـة بيـن العشاريـق وزراره

احللك وادعي لك من الخالـق الغفـران

الى انقذت روحي من شقى الحب واكداره

*******

الا يا زول زولك زلزل العقل الرزيـن وزال

دخيلك يامليح الـزول لاتستعمـل الـزودي

ابشرح لك سراير حالتي واشكي عليك الحال

وانا يوم اشتكي عيني بلاها عيونك السودي

اجاحد من ثمان سنين وارجي كل راس هلال

عسى برضاك تجبر خاطر بالحب ملهـودي

صبرت وطال صبري والموده تذبح الرجـال

ولاحصلت مع زود العنا شفـي ومقصـودي

طلبتك بالرضا والا الزعل ماله معك مدخـال

علي الباب باب المنفعه مقفـل ومسـدودي

انا لو قلت ابسلى عن مجالك مانسمح لي بال

تحاسدني هواجيس العنا ياناعـم العـودي

الى صديت عنها بالخلا جاني رهق وجفـال

والى قابلتها جذت من اقصى القلب عرجودي

عسـى رب بلانـي فيـك يافتـان ياحيـال

يلينك مثـل مـالان الحديـد بكـف داوودي

*******

الا يا قلبي ياللي كل ماجا الليل جـاه خـلاج

يلوج ويلتوي بالجاش مـن شـي تورجلـه

اعاني من عنا جرح خفق بين الضلوع ولاج

عرضته للطبيب اللي مدحتوا مـا تخرجلـه

دريت ان الهوى يرث جروح مالهـن عـلاج

الى زاد الغلا واللـي تـوده قاصـر رجلـه

يخاف من العيون الشامته واكذوبة الهـراج

الا جا الصبح هراج القفى يكثر بنـا دجلـه

انا بصبر عسى بالصبر لو طال الفراق افراج

على شانك وغيرك ماسهرت الليل من اجلـه

على شانك ومن شانك حياتي بالحياة احراج

عسى قلب شبكته بالهوى ربـي يفـرج لـه

تكايدني بخد مـادرج مـن فوقـه المكيـاج

طبيعي الجمال اللي غشى الوجنه هدب نجله

عليه ثلاث نجوم وزودوه من الحلا بالتـاج

زعيم الحسن له حق الجمال اللي يتوج لـه

الا يا مجيب دعوة من دعاك بليلة المعـراج

دعاك بجاهك التخفيف تقبـل طلبـة عجلـه

تعاوني على خـل تركنـي للشقـا مسهـاج

ثمان سنين من عمري وانا مرهون في سجله

اعوم بغبة اوهامه لمـا ساقتنـي الامـواج

على شط الفرات ايام وايـام علـى دجلـه

*******

الا يا ونـةٍ ونيتهـا مـن خاطـرٍ مفجـوع

تهضّم بالبكا والعين دمعه فـوق الاوجانـي

على اللي لاجزاه الله تعرض لي بلا منفـوع

يبين اسهر وانا قبله من اللوعات سهرانـي

الا ياهل الهوى من حين طرّاد الهوى ملقوع

يحصد البين مع طول المدى والقلب وجعاني

انا والله ما سيّرت قصدي ياعميلـي طـوع

ولكن مقصدي بمشاهدك ياخرس الاعيانـي

علامك يا ثمر قلبي تلوعن بالهوى لي لـوع

تعرض لي خطى ويلك من الله يوم تدهانـي

زريف الطول مسلوب العواتق عودها مربوع

الا ما أهبلك ياللي عن هوى المجمول تنهاني

انا وياك يا بدر الدجا عنـا القلـم مرفـوع

ولكن لا تغلـى تجرحـن والقلـب تعبانـي

سقى الله من سقاني من ثمان مزها قرطوع

برد عن خاطري واطفى لهيب الكبد واحياني

صلاة الله عدد ماهل وبـل بارقـه لامـوع

على المختار ماغرد حمام فوق الاغصانـي

*******

على مايشوق لخاطري ينطـق لسانـي

يعبر لسانـي لكـن الوقـت ضاهدنـي

عشقت الهوى واشقان يوم الله اشقانـي

احسبه على حمـل المـوده يساعدنـي

رماني هـوى قلبـي وسمّـن وعنّانـي

وانا دون هذا كهرب الحـب صايدنـي

مع الصاحب اللي في ضحى العيد وافاني

يقـود الزعامـه كـن وده يعانـدنـي

رميت السلام وفاتني تقل مـا اوحانـي

وهو يسمعن لاشـك قصـده يكايدنـي

الا يـا بعـد حالـي وحيـي وحيّانـي

بـلاش التغلـي مـد كفـك وعايدنـي

ترى الكل غيـر الله رب القـدر فانـي

ولالك صـلاح فـي حياتـي تزهدنـي

الى جيت حادين الوحم حرق عطشانـي

علـى مبسـم غـر ثنايـاه وردنــي

طرف ساعة شانك يوافق علـى شانـي

اشاهـدك وانتـه ياعيونـي تشاهدنـي

تطفـي لهيـب شـب بالقلـب نيرانـي

ترى الكبـد حرقـه والمنيـه تهددنـي

الا يا زريف الطـول يانجـل الاعيانـي

على حبك اللـي غامـرن لاتحاسدنـي

من العام قلبـي مـن تغليـك وجعانـي

وزود الغلا ما هـوب يبعـد ولا يدنـي

حرام ان سلبت الروح وايتمت بزرانـي

عساها بحظك كـان صممـت تبعدنـي

نقضت العهود وبعـت وديّ بخسرانـي

وغيرك من الخلان مـا هـوب فايدنـي

تذكـرّ زمـانٍ فـات ممـداك تنسانـي

ليال الصداقـه واجـب إنـك تعاهدنـي

*******

الا يا عيني اللي ما تلـد بكـل الازوالـي

ولا تشبح وتفرح لين ترمق زول مضنونـه

الا يا لوعتي يافجعتي يـا كبـر غربالـي

على غرو الى سلهم ذحاح الموت بعيونـه

ذبحني بالهوى حبه وسم الجسم من حالـي

قضى لي لاجزاه الله وزاد الجاش بطعونـه

اثر كل العذارى ما بهن من يرحم الحالـي

الى شافن المولع بالهوى ماهمب ياوونـه

الا يا عاذلي لو قلت لي خلن علـى فالـي

انا والنفس عند مخضب الكفيـن مرهونـه

على ماراد يلعب بي وتل القلب مـا اوالـي

كما تل الرشا طفقٍ على المسنـا يحدونـه

انا بالشمس وانته يا وليف الروح بظلالـي

خطا ما خفت من سبح له الرعاد بمزونـه

الا يا عين خرسا ماكره في نايف الجالـي

انا وياك صرنـا بالمثـل ليلـى ومجنونـه

عليك العي كما تلعي طيور الليـل عزالـي

تفجّع بالبكا قلبـي عليـه وبـاح مكنونـه

انا يا كيف ابصبر والغضي يطري على بالي

الا يا ويل من نفسه بعنق الريـم مقرونـه

انا عمّا مضى داله ولا ابكي فرقـة الغالـي

ولكن يا عذابي حالوا اهل الترف من دونـه

عسى من سبب الفرقا وحاس بفقدي الغالي

عليـلٍ كلمـا زاد المـرض ردّوا يكوونـه

*******


وهذه القصيدة سببت أشكال للبعض ،، ومن ضمنهم الشاعر رحمه الله ،، لأن القصيده بأواخر الثمنينات الهجريه قبل غناء القصيده المشهورة للأمير خالد ،، بسبب تشابه الطرق والقافيه مع قصيدة الأمير خالد الفيصل " قلبي اللي لواه من الصواديف لاوي " والتي غناها الفنان محمد عبده ،،

آه يا ونتـي ونـة جديـد المكـاوي

موجسٍ من ضلوعه يوم كويه شكيّـه

ونة اللي طواه من العواكيس طـاوي

مع ردى الحال ما له بالقبايـل دنيّـه

المعافـا مريـحٍ والمولّـع شقـاوي

دايـمٍ عيـن طـراد المـودة شقيـه

من سبايب هنوفٍ غرتـن بالهقـاوي

وردّت قلبي المفجوع حـوض المنيـه

أشهد إنك عليّه مـن كبـار البـلاوي

قبل عرفك مريـحٍ فـي حيـاةٍ هنيـه

صرت لي سمّ ساعة يا عيوني النداوي

لفتني بالمهالك ما اكبره مـن خطيـه

يا بو خدٍ يشـادي للهلال السمـاوي

أرحمن كان بك لي يالغضي مرحميـه

كل ناقض جديـلٍ يذبحـن الهـواوي

علقت في معاليـق الحشـا مقلميـه

ودي إنك لحالي ياشقر الراس تـاوي

دامت النفس يا شمس المشاريق حيه

منقوووووووول