رد على قصيدة حامد السهلي في رثاء منيرمناور

ارسلت ياحامد قصيدة معازاه
ترثي بها صاحبك زين العلومي
ولو منت طيب ماتحزنك فرقاه
صدق منير انك عزيز محشومي
وحنا نحمد الي كثيره عطاياه
نرضى بحكمه خير من له نقومي
ولو كان حزنا عليه وفقدناه
نصبر وندعي له وربك رحومي
القلب عينته غدا يوم فرقاه
ويقول عقب منير مالي لزومي
وعينت فكري راح ياخوك وياه
معه اندفن بالقبر تحت الحزومي
ان قلت ابدله كيف ابدله وبنساه
ماينسي مثله خوي القرومي
ياصعبها فرقا منير وشرواه
الي يعرف الواجبه والزومي
يفرح بظيفا قاصده ماتعداه
يشرح له الخاطر بزين العلومي
وجاب المفطح في دقايق وناداه
يامرحبا واهلا اعداد النجومي
له ميزتا تحببك في مزاياه
دايم لفعل الخير قلبه عزومي
ندعي عسى في جنة الخلد مثواه
متجاوزا عنه الاله الرحومي
وصلو على الهادي عسى منير وياه
شفيعنا يوم القيامة تقومي

ابو احمد


الله يرحم ابو محمد ويعطيك العافية