شاعر من بني عزيز يصدح في شاعر المليون بقصيدته ( صدح صوت الكلام العذب )

شاعر من بني عزيز يصدح في شاعر المليون
بقصيدته ( صدح صوت الكلام العذب )
الأخوة والأخوات
قام الشاعر ( سالم بن محيا الطلاحبي العزيزي)
بالمشاركة في شاعر المليون بقصيدة أذهلت اللجنة
وسكت الشاعر الصفوق متأمل القصيدة معجباً لا تعليق
وقال الدكتور أنت شاعر ياسالم معبرا عن إعجابه
وأيدها أغلب أعضاء اللجنة أعجابهم بها
الأخوة والأخوات نبارك للشاعر سالم بما حضي من هذا القبول
وإلى الأمام ياسالم
فهذا يرفع الرأس ونبارك له في ما قدمه
وإليكم القصيدة

تبسم وقتي العابس عسى الشاعر يجيب ثبات =خذوني مدعي للشعر وانتم من يسميني
صدح صوت الكلام العذب ماعند العدود آلات =سوى القوس القديم وحادي ومسحوب وهجيني
غلبني كل حب الله واكبر من زمان ٍ فات =دواي وعلتي حرف ولحن من بادي سنيني
رماني فالهوى حالي كلام أقنع برأت ذات = ونظرات العيون اللي تغفلني وترميني
عرفت إن أول أفخاخ الهوى صورة ملاك ٍ جات =سحابة حب تغريني ولا تسقي بساتيني
سحر مدري قدر صورلي إن الهاوية جنات =تملكني شعور ٍ نبض قلبي منه دفيني
أهيم الله لا يسقي الضياع أغبط خلي ٍ بات =قدم رجلي بأرض ٍ مالها عندي عناويني
أطيع القلب أطيع التعس أخيل نجوم والحيات =تنهش خطوة التايه عساه يصيح أنا ويني
لذا عندي تحفظ ضد ماسمي هوى هيهات =أضن اسمه هوى فالهاويه والناس ناجيني
سعيت لما يسكن خاطري وبجملة الحالات =فشل كل العلاج إلا حروف ٍ جت تهنيني
يسمونه شعر .. طيب شعر لكن رتم وصوات =أعرفه لا سمعته أو قريته فالدواويني
عرفت أهل وأهل سهله عرفته وأجهله مرات =إلا جوني به اللي عسرهم للقاف يعميني
تأثرت أكثر التأثير ليه اعلامنا حوات =شباكه جايره تصطاد قرش ٍ مع الدلافيني
يقرّب شاعر ٍ لاهداف يقتل شاعرين إسكات =دريت إن الشعر يذبح مثل حد السكاكيني
(يقال إن أجوده ماخلد الشاعر بعد ما مات )=واكيد إن أسؤه مايغضب الله واهل الديني
إذا اللجنة بتسمحلي ابي منهم فقط لحظات =ابرسل خارج القاعة كلام لناس غاليني
إلى تركي بعد رأسي لتركي واثق الخطوات =أنا أعزك وأعز من أهل العنابي أثنيني
الأول فارس ٍ مري سليل الشعر أبو حبكات =تزين شعره الزين أصلاً مع الكاف والشيني
وأحب المؤمن اللي من غضب قومه تجي فترات =نحس الناس كل الناس ماهم عندك راضيني
لشعار ببالي هم هل الإرث أهل الردات =إذا نرضي .. التقوقع ما طلبنا العلم فالصيني
(( هنا الأصلي احذروا التقليد )) أصدقها هنا بالذات =هنا التاريخ يصنع والبيارق والملاييني

الشاعر : سالم بن محيا الطلاحبي العزيزي المطيري

.................................................. ...........
أخوكم المهندس

أخوي
أبو نواف

أهلا بك وبجديدك المميز

بشرك الله بكل علم غانم ايه المميز

وأنت والله صاحب مساعي وأخبار طيبه أيه المميز الراقي والعالي

نرفع أسمى آيات الشكر والتهاني
لأخونا

سالم بن محيا الطلاحبي العزيزي
فألف شكر لك على خير التمثيل الذي قمت به وألف مبروك لك هذا الانجاز

ولاهي غريبة عليك وانت نسل الرجال أهل الشرف والفخر والشعر

اسأل الله أن يطرح فيه البركة ويحقق له الآمال والطموح

صدح صوت الكلام العـذب ماعنـد العـدود آلا=سوى القوس القديم وحـادي ومسحـوب وهجينـي
غلبني كل حـب الله واكبـر مـن زمـان ٍ فـات=دواي وعلتي حرف ولحـن مـن بـادي سنينـي

صح الله السانك عدد حبات الرمل


وصح الله لسانك عدد النيترونات والاكترونات في كل ذرات الكون

رغم الكلام الكثير اللي دار وأنه لازم نقاطع مثل هالبرامج

لكن الله يوفق أبونواف في البرنامج وأرق وحنا معك .

ومشكور أخوي المهندس على الخبر .

تسلم ايدك علي طرحك المميز
يعطيك العافيه يا ابو نواف

صح لسان الشاعر المتالق : سالم بن محيا الطلاحبي العزيزي
قصيده جزله من شاعر جزل تستحق اعجاب اللجنه والجمهور بها ونفخر بها


لكن انا من اشد المعارضين عن هذا البرنامج لما حصل في نسخته الثانية من ظلم اتجاه الشاعرين السعودين واقول هذا ليس من باب التعيز ولكن من باب العدل
وذالك عندما تم ظلمهم في النتيجه النهائيه من قبل اللجنه وعدم حصولهم علي اي مركز علما بان اكثر كلام اللجنه كان دليل علي ترشيحهم للفوز وبالذات الشاعر ناصر الفراعنه
لكن هكذا الظلم وسوف يستمر في كل النسخ من هذا البرانامج

وانا ادعو بمقاطعة لكي يكون عبره لغيره من البرامج حتي يسود العدل الفيها

شاعر دون ان يظهره برنامج فهو نجم ساطع

والله الموفق للجميع

تقبل خالص تحياتي

بالتوفيق للشــاعر سالم محيا العزيزي

وللشاعر راشد بن فارس العزيزي

وللشاعر نايف محيا العزيزي

يمثلون القبيله في هذا المحفل الى الان 3 شعراء على حسب ماوصلني واتوقع اكثر من ذلك العدد


تحياتي لكم وبالتوفيق للكل

ووصلني ان الشاعر مرزوق جامل العزيزي مشارك ايضا"


بالتوفيق لأبو تركي ويستاهل كل خير


وسنحاول قدر المستطاع ان نجعل ديوان مقروء لكل شعراء بني عزيز المشاركين


تحياتي

محمـد العزيزي

بالتوفيق أبو نواف ..

و ترفع أسمع بني عزيز ..

بالتوفيق يابو نواف والله يوفقك .

وانت شاعر تستاهل المليارات

لذا عندي تحفـظ ضـد ماسمـي هـوى هيهـات
أضن اسمـه هـوى فالهاويـه والنـاس ناجينـي

كلام قمة فالروعه

والله يوفق سالم شاعر اتوقعله النجاح باذن الله 3

ومشكور ابو نواف على الخبر

تقبل تحيتي

صح لسانك

وارق سنود