المحاوره المباشره يوم الثلاثاء ليلة الاربعاء الموافق 27/6/1429 - صفحة 2

سفير المهد · 07-02-2008, 01:06 AM

استلم

ياهذيل في عج الرمك ثار بارود............ومطير في رد البراء ماتبالي

وحنا لدولتنا موامين وجنود................عز الرجال ومحتمين التوالي

سفير المهد · 07-02-2008, 01:08 AM

العب العب العب واصل واصل واصل الوادي الوادي

ههههههههههههههههههههههههههههههههههههههههههههههه

العب يااشماالي وااصل معااك انا بس يعلق عندي مدري وش حصل فيه

سفير المهد · 07-02-2008, 01:15 AM

ماحاصل نوووووووووووووووووم الليله اللعب

انا ابمسك صفك وانت امسك صفي ههههههههههههههههههه

لوالله عندي الاتصال تمام

سفير المهد · 07-02-2008, 01:25 AM

بسم الله الرحمن الرحيم

السلام عليكم ورحمة الله وبركاته

العب ولا تقطع ترى اللعب مشدود /// لكن وش يدريك عن شي في بالي

ما نته على ما عطاك مولاك محسود /// العــض ليـن والخناجر ليا لي

سفير المهد · 07-02-2008, 01:25 AM

صح لسانكم ياشباب

واصلو متابعين لكم

واعذرونا على التأخير

وازهلو الصفوف

:

hlopaetfg::hlopaetfg

سفير المهد · 07-02-2008, 01:33 AM

العنجوووج

سلام رديه لها حس مشهود =مثل الرعد في مدلهم الخيالي
كان الشمالي ياهل العرف موجود =لا تفترش نفسه فسيح الضلالي

الشمالي

يامرحبا بك عد ماهبت النود =وعداد ماتذرى الهبوب الرمالي
انا هنا موجود ياصاحب الجود =والليل فالميدان ياهملالي

العنجووووووج

ابطى المطر والعام له برق ورعود =والعين ما ترقب سراب امتلالي
النحله اللي همها ثمرة العود =ما وردة مكسب ولا راس مالي

الشمالي

الماء طواه القيض والعد مقعود=والله سريعا بالعطاء والنوالي
ياصاحبي والخير ماهو بمحدود=مقسمه ربك عزيز الجلالي

العنجوووووووووج

الجوهره يامطــير في سلك ممدود =وليـا انـقــطع ماوثـقـتهـا الحبالي
حثوا الركايب وحذروا الدرب مرصود =دونـه وسده بارقـات السـلالي

الشمالي

ياهذيل في عج الرمك ثار بارود=ومطير في رد البراء ماتبالي
وحنا لدولتنا موامين وجنود=عز الرجال ومحتمين التوالي

العنجووووووج

العب ولا تقطع ترى اللعب مشدود =لكن وش يدريك عن شي في بالي
ما نته على ما عطاك مولاك محسود =العــض ليـن والخناجر ليا لي

الشمالي

باللعب يالعنجوج ناقد ومنقود=وان عدتها تكفى تدور بدالي
الحمل فوق شعيل والحبل معقود=والنقص مانرضاه ياابن الحلالي

سفير المهد · 07-02-2008, 01:38 AM

استلم يالذئب

باللعب يالعنجوج ناقد ومنقود................ونعدتها تكفى تدور بدالي

الحمل فوق شعيل والحبل معقود...............والنقص مانرضاه يابن الحلالي

سفير المهد · 07-02-2008, 01:39 AM

الله الله عليكم ياشعااارنا

محاوره ممتعه ورائعه

ابداع منقطع النظير

ابداع بماتعنيه الكلمه

الله لايخلينا من هذا الابداع

نفتخر لتواجد شعراء بهذا الوزن معنا في منتدى بني عزيز

لله دركم

وااااااااااااصلووووووووو ومتابعين لكم بشوق وحمااس

الليل الليل

والصفووووووووووف ياشباب الصفوووووووووووف

سفير المهد · 07-02-2008, 01:44 AM

الصفووف جاهزه

العب العب

قابلي ياسفير المهد

سفير المهد · 07-02-2008, 01:45 AM

العب العب واصل واصل

الوادي الوادي

:clap :

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات