(الناقه) ... وأبغى جوابٍ من ضميرٍ فهمها

السلام عليكم ورحمة الله وبركاته

هذه قصيدة كتبتها بعد أن رأيت ما رأيت في هذا العصر !!

وأتمنى أن تعجبكم وتنال على إعجابكم كما أتمنى أن أرى مجارها لها .

الناقه

في منتدى ربعي أبكتب مراسيل = وأبغى جوابٍ من ضميرٍ فهمها
أبكتب حروفٍ تربت على الكيل = زارت سماء حالي ووقتي زهمها
لبستها بالقيس ثوب التماثيل = اللي تفسر قصد من هو نظمها
سريتها ياناس في تالي الليل = للماضي اللي مرتبط في علمها
ورديتها للحاضر اللي حصد ويل = يوم البشر صارت تقدر عجمها
السالفه ناقة تهزا بها جيل = نزل مكانتها لواطي قدمها
ناقة مكانتها على الجدي وسهيل = مادام نور الناس عجزه وسمها
زادة فوايدها بعد قصة الفيل = ومن هو لقى ذيك الفوايد حشمها
ومن هو بغى الجنه وجنب عن الميل = لابد يعشقها ويسمع نسمها
مادام طبخ البن دايم مع الهيل = مكروه من هو في حياته عدمها
وأنا تعلمت ودرسة التفاصيل = في سرها في فضلها في كرمها
ويومي لزمت خطامها أسمع القيل = أهل المراعي ماتبي من لزمها
والمشكله هم أهلها والغرابيل = قامت تباريهم وترسل سهمها
من يوم كبوها لفتهم بهاذيل = وجابوا نياق تذل من هو حكمها
ملح البحر مشروبهم ماهو النيل = دام العجوز مسيده في بهمها
إن عزوا الناقه ترى شربهم سيل = مادامها تنصر ضعيفٍ خدمها
أدري أنا وأنتم لها مالنا حيل = حتى ولو بعض البشر تكثر ندمها
الا الكتابه .. والطبل يدفع الخيل = للغزوا دام المجد يمه عزمها
صفحاتنا للعلم تقدر على الشيل = وحنا نبي نحرك ياربعي قلمها
وختامها صلوا عدد بارق مخيل = على رسولٍ لالنبوة ختمها

نايف المحيا

صح الله السانك أخوي نائف على القصيدة
تقبل مروري

هلا والله أخوي نايف المحيا

صح لسـانك مليوون ولا يسدن

ما قصرت والله على هالقصيدة الجزلة من رجال جزل

واعتذر منك فأنا لست بشاعر ولكني متذوق للشعر وما أجمل ما كتبت هنا أخي نايف

دوماً مميز أخوي الشاعر نايف المحيا

لا تحرمنا من جديدك وتعليقاتك أخي

مشكووووور

يعطيك العافية

سلمت ولا هنت

كـُـن بـخـيــر أخــي

الـفــارس

أخوي : صاحب السمو


صح بدنك ومرورك مشرف ولا هنت يالغالي

والله يعطيك الف الف عافيه

صح لسان قصده جزله من انسان جزل
ونتطلع للمزيد من شاعرنا نايف المحيا
يعطيك العافيه

الفارس

هلا فيك يالغالي


وانا أشهد انك ماقصرت

وصح بدنك يالغالي


ردك والله أعتبره مجراه


فالقصيده روح بلا جسد وردودكم هي الجسد لإحيا ذلك الروح


لك مني كل

الشكر والتقدير والدعاء بالخير لك

شكراً لك

عزيز مطير

صح بدنك

والله يعطيك العافيه

وبيض الله وجهك

ولا تحرمنا من مشاركاتك


لك مني كل الشكر والتقدير

شكراااا أخوي

مشكور
ويعطيك العافيه