قصيدة الشيخ راشد بن نافع الطلاحبي في جاره العتيبي

بسم الله الرحمن الرحيم
السلام عليكم ورحمة الله وبركاته

اقدم لكم هذه الابيات لوالدي الشيخ راشد بن نافع رحمه الله

هذه القصيده قالها شاعرنا في احد اعز جيرانه وهو محمد بن طامي العتيبي رحمه الله
حيث كانت بينهم صداقه وثيقه وفي يوم من الايام اتى رجل الى ابو رشدان وقال له
ابشرك ان جارك ابن طامي يبي يشد للدوادمي في نجد وحزن شاعرنا وقاله هذه الابيات

عديت رجمً يتعب اللي يعدون=شاهوق شامخ نايفً ينحكيبه
قالوا علامك قلت ماني بمجنون=هذا سوات اللي يعد الرقيبه
ابنصح اللي للنصيحه يطيعون=لايقربون الرجم ماينبديبه
ذكر علي من الهواجيس مكنون=وأنا سنينً متركه ماشتقيبه
اثر الليالي إبرامها يخلف الكون= سمعت علماً منه عيني مريبه
قالوا عرب طامي لنجدً يطرون=بشارةً ماهي لمثلي عجيبه
ياسعود والله مانباكم تشدون=شديدكم عنا علينا غصيبه
ندعيلكم بالخير وانتم ماتدرون=واللي يكذب جعل يردي نصيبه
حق علينا لو بالاظعان تقفون=ماني بكرباجً يشاني قريبه
لعلها خضرا لكم حيث تلفون=خضرا لكم مثل الفياظ العشيبه
تنور لكم نوراً على ماتحبون= لعلها عند الولي مستجيبه