سكرات الموت لشاعر بدر الضمني

حرام أذوق الهم والضيق والموت=حرام أعاني مـن ريـاح الكآبـة
سافرت من داري وأنا حيل مكبوت=وأرجع لها والحزن ماصـك بابـه
برجع جسد مرمي على لوح تابوت=عانق عذابه وانتهـى فـي عذابـه
أبطى يجر الصوت ويعلي الصوت=حتى بكـى منـه القلـم بالكتابـة
حزنه بيوت وعمّر بحزنه بيـوت=الوقت قاسي والمشاعـر غلابـة
شعره بحر جدة ومرساته الحـوت=شاعر حروفه تشتكي من مصابـه
عليه من جرحه عناويـن وثبـوت=صارت جروحه في عيونه تشابـه
حاول يلم شتات بعضه عن الفوت=نـادى تنهـد بـس محـد درابـه
سم الوجع في داخل القلب منحوت=الحزن موحـش والليالـي ذيابـة
غيره يضم الخوخ ويعانق التـوت=وقلبه يعانـي ضيقتـه واغترابـه
نبضه لحن حبه ومعزوفته مـوت=الله يسامـح مـن تسبـب عذابـه