جو الشعر

زان جو الشعر ياهاجسي هات الجزيل
ماني ابعاذرك دام ان الابيات تعدي
عطني الندر ولافيه شي مستحيل
بيت يردف بيت وانا هنا في مقعدي
عن خفايا الصدر عبر ولاتبقي القليل
وانا بسمع واكتب الي تقوله من يدي
شاعرك سباح في البحر مايبغا دليل
اركدي ياابيات الاشعاربالله اركدي
العدو مااحسب حسابه وله ماني ذلليل
والرفيق اقدره يعتبر مثل اولدي
وان مدحت امدح رجالً لهم فعل وجميل
مامدحت بخط شعري ضعيف ولاردي
خوه الطيب تنومس ولا ارضاله بديل
عقب الي من علاقتهم غاسل يدي
الرخوم الي وراهم ماتلقا لك حصيل
ابتعد عنهم كما سهيل عن نجم الجدي
التجارب علمتني لها وقتً طويل
والحياه ادروس والكل يفهم مقصدي
والرجال انواع والناس جيلً بعد جيل
تختلف مابين ملعون خامس واجودي
والمجالس هي مدارس وكلً له عميل
ون غويت الرجل شف من جليسه يابعدي
والبشر في الوقت هذا يحط وذا يشيل
وحد يمشي في طريقه ولاخر محتدي
مير يادنيا العنا ماوراك الاالرحيل
لو يعيش الاادمي طول عمره سرمدي
وعد مابانت نجوم السماءبطراف لليل
ياصلاه الله علئ الي بدربه نقتدي
عايض نور العزيزي