البرد لهفة شوق والليل ساكن

بسم الله الرحمن الرحيم
صباح الخير/ مساء الخير
أعتذر لكم عن غيابي بسبب ظروفي الخاصه
وجيتكم مشتاق وحبيت اراضيكم بها القصيده عسى تعذروني واكسب رضاكم ياحبايبي

البرد لهفة شـوق والليـل ساكـن
وانـا تشفقـت اللقـاء وأحتريتـك
الله عطاني اياك وأصبحت واكـن
علـى الله انـي لا بغيتـك لقيتـك
مؤمن بما يكتـب لـي الله ولكـن
بليت نفسي فيـك عشـق وبليتـك

تغيـب وعيونـي عليـك يتباكـن
لو انك تسقيني الوصل ما ارتويتك
خليت حسرات الزمـان يتراكـن
بين الرجاء والياس ليتـك وليتـك
داويت جرح" من قسى الوقت ماكن
والا فتعطيني ربـع مـا عطيتـك
وخليت ناقلات الهـروج يتحاكـن
ومن كثر ما اجحد أحسبني نسيتك
ما شفت قلبي والعيـون يتشاكـن
أغير منهم من كثـر مـا هويتـك

سريت لك مشتاق والليـل داكـن
يستر ظلامه وقفتـي عنـد بيتـك !!
تقول : حبك بين الأضـلاع راكـن
وأقول : هذا اللي ذبحنـي وجيتـك